ရွှေဝါရောင်ကကြိုး

လေရူးငယ်ပွေ

ပင်ဟောင်းတွေ ပိရစ်ဖူးလို့

ပိတောက်ကယ် သူမနှေး

ပွင့်လုဟန်ချီ။

ချီသာချီ

မာန်ရယ်က မရှိသေး

ပင်ယံမှာ ရွှေရောင်ခစဉ်က

ငွေမှုံတွေ တစ်စွေဖြန်းတာမို့

သည်အတာ အပီ 'က' ရန်ဖြင့်

မိုးညိုရေ.. သွန်းလိုက်ချေစမ်း ။ ။

#လင်းသစ်နွေ

အိပ်မက်ဆိုးနှင့်မိုးကောင်းကင်

ပတ်ဝန်းကျင်က မီးခိုးများဖြင့်မှုန်မှိုင်းနေသည်။

ရှေ့တစ်လံအကွာသို့ မြင်ရဖို့နေနေသာသာ မီးခိုးနှင့် ပြာမှုန်များက မျက်လုံးဖွင့်တိုင်း အလုအယက် တိုးဝင်လာနေကြသည်။ 
တကူးတက ငိုနေစရာမလိုဘဲ မျက်ရည်တို့ကလည်း ဖြိုင်ဖြိုင်ကျသည်။
မျက်နှာအနှံ့တွင် ပြာများ၊ မျက်ရည်များ၊ ဖုန်မှုန့်များဖြင့် ပေလူးနေသဖြင့် မဲညစ်စုတ်ပြတ်နေသည်။
ကျဉ်းကျဉ်းကြပ်ကြပ် တွင်းကလေးအတွင်းတွင် ခေါင်းကိုငုံထားရင်း လက်ထဲက အေးစက်စက် သတ္တုပစ္စည်းကို မီးခိုးတွေကြားမှာ မြင်ရသည်။

နတ်ဆိုးတစ်ကောင်…။ ဟုတ်သည်..။ သည်အရာသည် နတ်ဆိုးတစ်ကောင်သာဖြစ်သည်။ လူတွေ၏ ကောင်းကျိုးအတွက် မဟုတ်ဘဲ အသက်ဇီဝိန်ကို နုတ်ယူပစ်ရန် ပေါက်ဖွားလာသောအရာ။ သည်အရာကို လက်ထဲမှာ ကျစ်ကျစ်ပါအောင် ဆုပ်ကိုင်ထားရသည်။ သည်အရာနှင့် သူ့အသက်ကို သူ ကာကွယ်ရမည်။ သည်အရာနှင့်ပဲ တပါးသူ၏ အသက်တို့ကို ချွေရမည်။

" ဝုန်း "

ဗုန်းသီးတစ်လုံးက သူဝပ်နေသည့်အနားမှာပင် ကပ်၍ကျသည်။ နားနှစ်ဖက်စလုံးကို လက်ဖြင့်ပိတ်ကာ အသံကုန်အော်မိသည်။ နားစည်တစ်ခုလုံး ပေါက်ကွဲသံတို့ ပဲ့တင်ထပ်လျက် ကိုယ့်အော်သံကိုပင် ကိုယ်ပြန်မကြားရတော့..။ ဗုံးသီးမှန်သည့် မြေစိုင်မြေခဲနှင့် သဲများက သူကိုယ်ပေါ် မိုးရွာသလို တဖွဲဖွဲကျနေသည်။

သွေးရူးသွေးတန်းနှင့် အိတ်ကပ်ထဲနှိုက်ကြည့်သည်။ ကျဉ်ဆံတို့က မရှိတော့ပြီ။
ပတ်တီးတစ်လိပ်၊ လက်ပစ်ဗုံးသီးတစ်လုံး၊ ကလေးငယ်ချီထားသော အမျိုးသမီးတစ်ဦးဘေးတွင် လူရွယ်တစ်ဦးရပ်လျက် အဖြူအမဲ ဓါတ်ပုံတစ်ပုံ..။

ဓါတ်ပုံနှင့်ပတ်တီးလိပ်ကို အိပ်ကပ်ထဲပြန်ထည့်၊ လက်ပစ်ဗုံးသီးကိုခါးတွင် ချိတ်လိုက်ပြီး အားယူ၍ မတ်တပ်ထကြည့်သည်။ ခြေကျင်းဝတ်မှ နာကျင်မှုနှင့် အတူ ဖင်ထိုင်ရက် ပြန်ကျသည်။
ဒီကျွင်းထဲကို ပြုတ်ကျတုန်းက ခြေကျင်းဝတ်လည်သွားခြင်း ဖြစ်မည်။
ကျန်ခြေထောက်တစ်ဖတ်ကို အားပြုပြီး တရွတ်တိုက်ဆွဲရင်း ကျင်းတစ်ဖက် အဆုံးထိဖြည်းဖြည်းချင်း တွားသွားသည်။ ကျင်းတစ်ဖက်ဆုံးမှာတော့ စစ်ကူတွေ ရှိလောက်သည်။

ကျင်းအဆုံးကို ရောက်တော့ အမောမပြေသည့် အပြင် အမောပင် ဆို့သွားရသည်။ ဆက်သွယ်ရေး ကိရိယာကို လွယ်ထားသည့် အလောင်းတစ်လောင်း။ ၎င်း၌ ဦးခေါင်းမရှိတော့။ ဆက်သွယ်ရေး ကိရိယာကို အသုံးပြုလို့ ရလိုရငြား အနားကို ချဉ်းကပ်သွားသည်။

ရေဒီယိုမှာလည်း တဂျီဂျီ မြည်သံမှလွဲ၍ ဘာမှ သုံး၍ မရတော့ ခြေပစ်လက်ပစ် ပြန်ထိုင်နေမိသည်။ လက်နက်ကြီးလက်နက်ငယ် ပစ်သံများ၊ အော်သံများက မိုးထိညံနေဆဲဖြစ်သည်။ သူလည်းဒီအလောင်းအနားတွင်ပဲ သေဆုံးရတော့မည်လော။ သေဆုံးနေသူ၏ အိတ်ကပ်များအတွင်း၌ ကျည်ဆန်တွေ့လိုတွေ့ညား လိုက်ရှာကြည့်ရာ စက္ကူတစ်ထုပ်ထွက်လာသည်။

ဖြည်ကြည့်လိုက်တော့ စီးကရက် ၂ လိပ်၊ ဇစ်ပိုမီးခြစ်တစ်လုံးနှင့် စာတစ်စောင်။

သူ စီးကရက်ကို မီးညှိရင်း အားရပါးရရှိုက်လိုက်သည်။ အိတ်ကပ်ထဲက ဓါတ်ပုံကို ထုတ်ယူကြည့်သည်။ ဓါတ်ပုံထဲက အမျိုးသမီးက သူ့ကို ပြုံးပြနေသည်။ သူလည်း ပြန်ပြုံးပြမိသည် ထင်သည်။ ကလေးငယ်၏ အပြစ်ကင်းစင်သော မျက်နှာကလေးက ဖိုးလမင်းပမာ ဝိုင်းစက်၍ ချစ်စရာကောင်းလှသည်။ အခုတော့ ၎င်းတို့မှာ သူနှင့် မဆိုင်တော့ပြီ။ မကြာမီ အချိန်အတွင်းမှာ သူမရှိတော့ပြီ။ သူက ဒီလောကကြီးကို အပြီးတိုင် နှုတ်ဆက် ထွက်ခွာရတော့မည်။ ယခုလား..၊ ခဏကြာရင်လား။ သူဘာကိုစောင့်ဆိုင်းနေတာလဲ။သေခြင်းတရားလာခေါ်မည့်အချိန်လား။
မယုံမရှိပါနဲ့..။ သေရမှာကို ထိုင်စောင့်နေရတာက သေရတာထက် ပိုပြီးခံစားရခက်ပါတယ်။

စက္ကူထုပ်ထဲတွင်ပါသော စာကိုဖွင့်ဖေါက်ကြည့်သည်။ လိပ်စာတစ်ခုက လွဲ၍ ဘာမှ အပိုရေးမထား။ သူ့အနေဖြင့် ထိုသေဆုံးသွားသူအတွက် ဘာမျှ တကူးတက ဆောင်ရွက်ပေးရန်မရှိပေ။

စီးကရက် နောက်ဆုံးလက်ကျန်ကို ရှိုက်လိုက်သည်။ စောင့်ဆိုင်းနေမှုတစ်ခုကို အဆုံးသတ်ရန်အတွက် လက်ပစ်ဗုံးသီးကို ခါးမှဖြုတ်ယူလိုက်သည်။ ၎င်းထိပ်တွင် တပ်ထားသော စနက်တံမှာ သူ့အားတစ်ခြားကမ္ဘာသို့ ဆောင်ကျဉ်းပေးမည့် လက်မှတ်ပင်ဖြစ်သည်။
အသက်ကို ဝအောင်ရှုပြီး စနက်တံကို ဆွဲဖြုတ်အံ့ဆဲဆဲတွင် ထူးခြားစွာကြားလိုက်ရသော အသံကြောင့် သူ ခေတ္တမင်သက်သွားရသည်။ သူမြင်ရသည်က မိုးပေါ်တွင် ဖြတ်သန်းသွားကြသော မဟာမိတ်လေယာဉ်များ။ သူပျော်သွားသည်။ စစ်ကူတွေလာပြီ၊ မဟာမိတ်တပ်တွေ ရောက်လာပြီ။ ဒါဆို သူ့အတွက် မျှော်လင့်ချက်ရှိသည်။ သူအသက်ရှင်ကောင်း ရှင်နိုင်သည်။

လက်ပစ်ဗုံးကို ခါးတွင် ပြန်ချိတ်လိုက်သည်။ ကျင်း၏ ကျန်တစ်ဖက်စွန်းမှာရော သူ့လူတွေ ကျန်ဦးမလား။ ကျန်ကောင်းကျန်နိုင်သည်။ မကျန်သေးလျင်လည်း မဟာမိတ်တို့ဘက်မှ ပစ်ကူများ ရောက်လျှင်ရောက်နေမည်။

ဒီမျှော်လင့်ချက်သည်သာလျှင်သူ အသက်ရှင်နိုင်မည့် တစ်ခုတည်းသောနည်းလမ်းဖြစ်သည်။ တစ်ဖက် အစွန်းနားသို့ နီးလာသော် လူနှစ်ဦး စကားပြောနေသံကြားသည်။ အကွယ်မှ အသာတိုးလာနေရင်း ချောင်းကြည့်လိုက်ရာ သူအလွန်ဝမ်းသာသွားရသည်။ အမြင်ရင်းနှီးသော်လည်း သေချာတော့မသိ။ ယခုတိုက်ပွဲမှာ တပ်ခွဲနှစ်ခုမှ ပူးပေါင်း၍ ဆောင်ရွက်သော စစ်ဆင်ရေး ဖြစ်ပြီး အဆိုပါ နှစ်ဦးမှာ အခြားတပ်ခွဲမှ ကျန်ရစ်သူများ ဖြစ်သည်။

သူကို မြင်တော့ ကျန်နှစ်ဦးကလည်း ဝမ်းသာအားရ တွဲထူကြသည်။

"အသက်ရှင်တဲ့သူမရှိတော့ဘူး ထင်နေတာ"

"ဒီဘက်တပ်ခွဲဘက်မှာလဲ တို့ နှစ်ယောက်ပဲကျန်တာ"

ထိူသူနှစ်ဦးမှာလဲ မျက်နှာသိပ်တော့ မကောင်းကြ။ တစ်ဦးမှာ အသားညိုညို အရပ်ပုပု ဖြစ်ပြီး၊ ကျန်တစ်ဦးမှာ ပိန်ပိန်ပါးပါး ဖြူဖပ်ဖြူရော်ဖြင့် အားအင်ချိနဲ့ဟန်ရှိသည်။

"ကျွန်တော့်မှာက ကျည်ဆံမရှိတော့ဘူး၊ အခုဘာဆက်လုပ်ကြမလဲ"

"ငါတို့မှာလဲ မရှိတော့ဘူး၊ ဒီနေရာကနေထွက်ဖို့ကြည့်နေတာ.. ဟိုးမှာတွေ့လား ၊ အဲ့ဒီအပင်တန်းတွေ အလွန်ကိုရောက်ရင်တော့ ငါတို့လွတ်ပြီ"
"စစ်ကူတွေ ရောက်လာပြီပဲ…သူတို့ဖက်က ထိုးစစ်အားကျနေပြီ .. ဒါကိုအခွင့်ကောင်းယူပြီး ပြန်ဆုတ်ကြတာပေါ့"

သုံးယောက်စလုံး တစ်ဦးကိုတစ်ဦးကြည့်ရင်း ခေါင်းငြိမ့်လိုက်ကြသည်။

ပိန်ပိန်ပါးပါးနှင့်လူကပြောသည်။ "ငါအရင်သွားမယ်၊ မင်းက ခြေထောက်နာနေတဲ့ သူကို တွဲရင်း လိုက်ခဲ့.. ကျည်မှန်လို့ပဲ ဖြစ်စေ၊မိုင်းနင်းမိလို့ပဲ ဖြစ်စေ ငါကျန်ခဲ့ရင် ငါ့ကိုထားခဲ့တော့ ဒါအမိန့်ပဲ"
သုံးယောက်စလုံးအနက် ထိုသူမှာ တပ်ကြပ်ကြီးအဆင့်ရှိသူ ဖြစ်သဖြင့် သူ့အမိန့်ကို မလွန်ဆန်ရဲဘဲ သဘောတူလိုက်ကြသည်။

တပ်ကြပ်ကြီးက ရှေ့ကသွားသည်။သူတို့က နောက်ကလိုက်သည်။ တစ်ချက်တစ်ချက် ကျရောက်ပေါက်ကွဲသည့် အမြောက်ဆံများသည် သူတိုနှင့် နီးကပ်လွန်းလှသည်။ တည့်တည့်သာ ကျလျင်ဖြင့် တစ်စစီဖြစ်ယုံသာရှိတော့သည်။ ခပ်ပုပုသမားမှာ သူ့ကို တွဲနေရသဖြင့် သိပ်ခရီးမတွင်လှ။ ပြေးသည်။ လဲကျသည်။ ပြန်ထပြေးသည်။ ဘယ်နှကြိမ်လဲကျမှန်းမသိတော့။ ပါးစပ်မှ "ရဲသော်မသေ၊ သေသော်ငရဲမလား" သီချင်းကို ပြိုင်တူအော်ဆိုရင်း ပြေးကြသည်။

ကံကောင်းထောက်မသည်ဟု ဆိုရလေမလား။ သေကံမရောက်၍ အသက်မပျောက်ခဲ့ရသည်ဟုပဲဆိုရပေမလား။ သစ်ပင်တန်းတွေကျော်၍ ၃ ဦးစလုံး အသက်ရှင်လျက်ရောက်ရှိခဲ့ကြပါသည်။ ခြေပစ်လက်ပစ် ထိုင်နားရင်း ရယ်မိကြသည်။ သူတို့ မသေတော့ပါ။ လောကကြီးက သူတို့ကို ဆက်လက်ရှင်သန်ခွင့်ပေးလိုက်လေပြီ။ သေမင်း၏ နှုတ်ခမ်းဝ တွင် စင်္ကြန်လျောက်လျက် ပြန်လာခဲ့ကြသူများဟု ခေါ်ရလေမလား။

ကြာကြာလဲ မနားရဲ။ ရန်သူတွေ ပြန်မိသွားလျှင် ကြိုးပမ်းခဲ့သမျှက ခဲလေသမျှ သဲရေကျ သွားမည် ဖြစ်သည်။ ပုန်းရှိုးကွယ်ရှိုးနှင့် တရွေ့ရွေ့ခရီးဆက်လာခဲ့ကြသည်။ တောတန်းအလွန်အရောက်တွင် ကျန်နှစ်ဦးမှ နှုတ်ဆက်စကားဆိုသည်။ ၎င်းတို့မှာ ပြန်စရာနေရပ်လည်း မရှိတော့ပြီ ဖြစ်သောကြောင့် အောက်ပြည်အောက်ရွာသို့ ရေကြည်ရာမြက်နုရာ ခရီးဆက်ကြမည် ဖြစ်သည်။

"ကံမကုန်ရင်တော့ ပြန် ဆုံကြတာပေါ့"
တစ်ယောက်ကို တစ်ယောက်ပွေ့ဖက် နှုတ်ဆက်ရင်း မျက်ရည်ဝဲမိကြသည်။ တစ်ခဏတာ ဆုံခဲ့သော ခံစားမှုထက် ပိုမိုရင်းနှီးသော၊ ညီအကိုအရင်းထက်ပိုသော ခင်မင်မှုတို့ကြောင့် အံ့အားသင့်မိရသည်။
အပြန်တွင် သူ၏ခြေလှမ်းတွေက တတ်ကြွနေကြသည်။ ပျော်ရွှင်မှုကြောင့် နာကျင်မှုကိုပင် မေ့လျော့နေသည်။ အိမ်ပြန်ရမယ်။ သူ့မိန်းမနဲ့ သူကလေးက သူ့ကို စောင့်နေကြမှာ သေချာသည်။ အရင်လို စကားတွေအများကြီး ပြောကြမည်။ ညစာပူပူနွေးနွေးကို အတူတကွ စားကြမည်။ စိတ်ကူးနှင့် တွေးရင်း ကြည်နူးသွားသည်။ သူ့အိမ်က မလှမ်းမကမ်းက တောင်ကုန်းကလေးပေါ်မှာ လှမ်းမြင်နေရပြီ။

အိမ်မှာ ခါတိုင်းကထက် တိတ်ဆိတ်နေသည်။ ယခင်ကဆို သည်လိုအချိန် အမေလုပ်သူမှာ အိမ်ရှေ့ကွပ်ပြစ်တွင် ဆန်ကွဲရွေးလျှင်ရွေး၊ အိမ်ရှေ့ရေကပြင်တွင် အဝတ်တွေလျှော်လျှင် လျှော်နေတတ်သည်။ သားဖြစ်သူမှာ မိခင်အနီးတွင် ပြေးလွှားဆော့ကစားနေကျဖြစ်သည်။ ယခုမူ အိမ်မှာ တိတ်ဆိတ်ခြောက်သွေ့လို့နေသည်။

အိမ်တံခါးကိုတွန်းဖွင့်လိုက်တော့ ပျံ့ကျဲနေသော ပစ္စည်းများနှင့် နေရာအနှံ့တွယ်ငြိနေသာ ပင့်ကူမျှင်များ..။ သူ့၏ချစ်လှစွာသော အမျိုးသမီးရော.. ကလေးငယ်ပါ မရှိတော့ပြီ။ ဆိတ်သုန်းနေသော နေရာတစ်ခုအဖြစ် အချိန်ကာလအတန်ကြာ ဖြတ်သန်းခဲ့ဟန်တူပြီး အချို့နေရာများတွင် ပေါက်ပြဲနေသော အိမ်ခေါင်တို့မှ နေပြောက်များက ဟိုတစ်ကွက် ဒီတစ်ကွက်..။ သူအိမ်ရှေ့ကွက်လပ် ထဲသို့ စိတ်ပျက်လက်ပျက် ပြန်လျှောက်လာသည်။

ခြံတွင် ကပ်ထားသော အိမ်နံပါတ်ကို အကြောင်းမဲ့ ငေးကြည့်နေရင်း တစ်နေရာတွင် တွေ့ဖူးသလို ခံစားနေရသည်။ ရုတ်တရက် တစ်စုံတစ်ခုကို သတိရသွားဟန်ဖြင့် အိပ်ထဲမှ စာအိတ်ကို နှိုက်ယူပြီး ကပြာကယာ ကြည့်သည်။ ဟုတ်သည်။ ရေးထားသည့် လိပ်စာက ဒီလိပ်စာ စစ်စစ်။ ဒီအိမ်သည့် သူနေသည့်အိမ်ဖြစ်သည်။ သို့သော် အဘယ်ကြောင့် အဆိုပါ စစ်သား၏ အိတ်ကပ်ထဲ ရောက်နေရသနည်း။ အဆိုပါ စစ်သားက မည်သူနည်း။

"ငါ..ငါ သေခဲ့ပြီလား၊ လိပ်စာ ထည့်ထားတဲ့ သေနေတဲ့ စစ်သားက ငါလား" စဉ်းစားရင်း ခေါင်းထဲတွင် တဆစ်ဆစ်ကိုက်ခဲလာသည်။
"ဒါဆိုရင် အတူထွက်ပြေးလာတဲ့နှစ်ယောက်ကရော သေခဲ့ပြီးသားလား"
သူ့မျက်လုံးထဲတွင် စစ်ဆင်ရေးအစမှ မြင်ကွင်းများ ပြန်လည် မြင်ယောင်လာသည်။ ထိုသူနှစ်ဦးမှာ ၎င်း၏ အရှေ့တွင် လက်နက်ကြီး ထိမှန်၍ အသီးသီးကျဆုံး သွားကြသည့် မြင်ကွင်းများ…။
သူခေါင်းကို သွက်သွက်ခါအောင် ရမ်းလိုက်ရင်း အော်ဟစ်မိသည်။ မျက်ဝန်းတွင် မျက်ရည်တွေ ကျနေမည် ထင်သည်။ လွတ်မြောက်အောင် ကြိုးစားခဲ့ရတာတွေက နောက်ဆုံးတော့ အချည်းနှီးဖြစ်ခဲ့ပြီ။ သူ့မိန်းမနှင့် ကလေးကိုလည်း သူ့အနေဖြင့် မြင်နိုင်စွမ်း မရှိတော့ပါ။ ဘဝတို့က ခြားနားခဲ့လေပြီ..။
အော်ဟစ်နေရင်း အဆုံးအစွန်သော ဦးခေါင်းကိုက်ခဲမှုမှ တစ်ဆင့် အမြင်အာရုံများ အမှောင်အတိ ဖုံးလွှမ်းသွားတော့သည်။
သူနောက်ဆုံးမြင်လိုက်ရသည်က လူသဏ္ဍာန်အရိပ် ၅ ခုမှ လာရောက်ချုပ်နှောင် သယ်ဆောင်သွားခြင်းပင် ဖြစ်သည်။

……………………….

လျှောက်လမ်းကြီး တစ်ဖက်တစ်ချပ်ဆီတွင် အချုပ်ခန်းနှင့် အလားတူသော အခန်းငယ်လေးများ အများအပြားကို မြင်နိုင်သည်။ အဆောက်အဦကြီး၏ အမိုးမှာ အလွန်မြင့်သည်။ တစ်ချက်တစ်ချက် နှိပ်စက်ခံရ၍ အော်ဟစ်နေကြသည့် အသံများကို ကြားရသည်။ သူသတိပြန်လည်လာပြီး ပတ်ဝန်းကျင်ကို စေ့ငုနေသည်။ အခန်းလေးထဲမှာ သူတစ်ယောက်တည်း ဖြစ်သည်။ လွတ်မြောက်ဖို့ ကြိုးစားသော်လည်း တံခါးတွင်ခတ်ထားသော သံကြိုးများက ခိုင်ခံ့လွန်းလှသည်။

သူဘယ်ရောက်နေတာလဲ ငရဲလား။ ဘယ်နေရာလဲ။ သူရှင်နေသေးလား။ တွေးနေတုန်းမှာပဲ ဘေးအခန်းမှ အသံကြားသဖြင့် အနားနားတိုးကြည့်ရာ အတူထွက်ပြေးခဲ့သော သူနှစ်ဦး ဖြစ်နေသည်ကို တွေ့ရသည်။

"ဟာ.. ခင် ခင်ဗျားတို့ပါလား.. ခင်ဗျားတို့လဲ ဒီမှာ ရှိနေတယ်နော်. ကျွန်တော်တို့ အခု ဘယ်ရောက်နေတာလဲ .. ငရဲပြည်လား"
"မင်းဘာတွေလျှောက်ပြောနေတာလဲ .. ရူးနေလား ဒါရန်သူ့အကျဉ်းစခန်းကွ… ငါတို့နှစ်ယောက်ယောက် မင်းနဲ့ လမ်းခွဲပြီး မကြာခင်မှာ ဖမ်းခံရတာ..စိတ်ညစ်ပါတယ်ကွာ"
သူကြောင်တောင်တောင် ဖြစ်သွားသည်။ ဘေးပတ်ဝန်းကျင်ကို ပြန်ကြည့်သည်။ ဟုတ်သည်။ အကျဉ်းစခန်းပင် ဖြစ်သည်။
သူစောစော သတိမပြုမိသည်မှာ သူ့ကိုယ်သူ သေခဲ့ပြီဟု ထင်နေ၍ပင် ..။
"အင်း… ကျွန်တော်လဲ ကြောက်အားလန့်အားနဲ့ တွေးချင်ရာတွေးမိလိုက်တာ နေမှာဗျ"
သူလည်း အခုမှ စိတ်သက်သာရသွားသည်။ သူမသေသေးဘူးပဲကိုး..။
"ဒါဆိုလည်း ဒီအတိုင်း ထိုင်နေမယ့်အစား ကျွန်တော်တို့ လွတ်ရာလွတ်ကြောင်း ကြိုးစားကြတာပေါ့..အနှိပ်စက်ခံပြီးသေရမယ့်အစား .. လွတ်အောင်ကြိုးစားရင်းသေတာပိုမကောင်းဘူးလား"
ကျန်နှစ်ဦးမှာလည်း သူပြောသည့် စကားကို လက်ခံသည့်ဟန်ဖြင့် တစ်ဦးကို တစ်ဦးကြည့်ရင်း ခေါင်းငြိမ့်လိုက်ကြသည်။

………………………………

"ထွက်ပြေးသွားတဲ့သူတွေကို ပြန်မိပါပြီဆရာ"
အသံကြားတော့ ဆရာဝန်ကြီး ဦးမင်းနောင် မျက်မှန်ပင့်၍ ကြည့်သည်။
"သုံးယောက်စလုံးလား လူနာတွေ ဘယ်နားထိခိုက်မိသေးလဲ"
"သုံးယောက်စလုံးပါ ဆရာ..ကိုသူရ ရဲ့ ခြေကျင်းဝတ်ကတော့ ပြုတ်ကျထားလို့ အဆစ်လွဲပြီး ရောင်နေပါတယ်"
"'ဒါ့ကြောင့် မို့လို့ မင်းတို့ကို ဆေးပုံမှန် တိုက်ဖို့နဲ့ သေချာစောင့် ကြည့်ဖို့ အမြဲတမ်းမှာနေတာပဲ.."
"ကျွန်တော်တို့လည်း အတတ်နိုင်ဆုံး အမြဲ စောင့်ကြည့်နေတာပါဆရာ.. လုံခြုံရေးတွေ သူနာပြုတွေကိုလဲ တိုးပြီး ဂျူတီချထားပါတယ်..ဒါပေမယ့် သူတို့ သုံးယောက်က မရ ရတဲ့နည်းနဲ့ကို ထွက်ပြေးနေကြတာပါ ဆရာ"

" အင်း..ဒါကလည်း ဟုတ်ပါတယ်လေ "

"ဒါနဲ့ဆရာ… သူတို့ သုံးယောက်က ဘာလို့ ဒီလောက်ထိ ဂရုတစိုက်နဲ့ ပြုစုပေးနေတာတောင် ခဏခဏ ထွက်ပြေးနေတာလဲဟင်"

ဆရာဝန်ကြီးက ပြုံးသည်။

" အင်း…. မင်းက ဒီမှာ သိပ်မကြာသေးတဲ့ ဆရာဝန်အသစ်ဆိုတော့ ဒီအကြောင်းတွေ ဘယ်သိဦးမလဲ.၊ တိုတိုပြောရရင် သူတို့ ၃ ယောက်က အရင်တုန်းက ရှေ့ပြေးတပ်ခွဲ(xxx) ရဲ့ အားကိုး အားထားရတဲ့ ရဲဘော် ရဲဘက်တွေထဲမှာ ပါဝင်ပါတယ်..၊ သူတို့က တိုက်ပွဲတိုင်းကို ရွပ်ရွပ်ချွံချွံနဲ့ အောင်မြင်အောင် တိုက်နိုင်ခဲ့ကြတယ်..၊ ဒါပေမယ့် သူတို့ တပ်ခွဲရဲ့ ကံဆိုးတဲ့ နောက်ဆုံးတိုက်ပွဲလို့ ပဲပြောရမလားပဲ.. နယ်မြေလုံခြုံရေးကိုထိပါးလာတဲ့ သောင်းကျန်းသူတပ်ဖွဲ့ကို လိုက်လံရှင်းလင်းရင်း နယ်ကျွံသွားခဲ့ကြတယ်.. သူတို့ဟာ နောက်ပြန်မဆုတ်တော့ဘဲ ရောက်ရှိနေရာမှာ တပ်စွဲထားရင်း စစ်ကူကို စောင့်နေခဲ့ကြတာ.. စစ်ကူရောက်လာတဲ့အချိန်မှာတော့ သူတို့ရဲ့ တပ်ခွဲဟာ ရန်သူရဲ့ အလုံးအရင်းနဲ့ ချေမှုန်းခြင်းကို ခံလိုက်ကြရပြီ.."

ဆရာဝန်ကြီးက သက်ပြင်းချရင်း ဆက်ပြောသည်..

"အခု ဒီဆေးရုံမှာ ကုသမှုခံယူနေတဲ့ မောင်သူရတို့ ၃ ဦးကတော့ ရန်သူဖက်က အရှင်ဖမ်းမိပြီး ရက်စက် ကြမ်းကြုတ်တဲ့ နည်းလမ်းတွေနဲ့ နေ့နေ့ညည နှိပ်စက်တာခံခဲ့ကြရတဲ့သူတွေပေါ့.. နောက်တော့ တပ်ကူတွေက ရန်သူတွေကို ပြန်လည်နှိမ်နင်း နိုင်ခဲ့ပြီး သူတို့ ၃ ဦးစလုံးကိုလည်း ပြန်လည် ကယ်တင်နိုင်ခဲ့တယ်၊ ဒါပေမယ့် အခုမြင်ကြရသလိုပဲ.. သူတို့ရဲ့စိတ်ဒဏ်ရာတွေ၊ အနှိပ်စက်ခံရတာတွေကြောင့် ပုံမှန်အတိုင်း တွေးခေါ်နိုင်စွမ်း၊ စဉ်းစားဆင်ခြင်နိုင်စွမ်းတွေကတော့ ပျောက်ဆုံးနေကြပြီ"

သူလည်း ဆရာဝန်ကြီး အဖြေကြောင့် စိတ်မကောင်းဖြစ်သွားရသည်။ သြော်.. ဖြစ်မှဖြစ်ရလေဗျာ..။

"သူတို့က ပြန်ရော ကောင်းလာနိုင်ပါ့မလား ဆရာ"

"ပြန်ကောင်းရင်လည်း ကောင်းမယ်.. မကောင်းရင်လည်း တစ်သက်လုံး ဒီအတိုင်း ဖြစ်သွားမှာပဲ၊ ဦးနှောက်ဆိုတဲ့အရာက အရမ်းနူးညံ့ပါတယ်.. ထိခိုက်မိသွားရင် အကောင်းအတိုင်းပြန်ဖြစ်နိုင်ဖို့ဆိုတာက………. ဆေးပညာအနေနဲ့ လက်လှမ်းမမီနိုင်သေးတော့.. ခဲယဉ်းတယ်လို့ပဲ ဆိုကြပါစို့"

"ဆရာကြီး…. ဆရာကြီး"

အမောတကော ပြေးဝင်လာသော လုံခြုံရေး၏ အသံကြောင့် သူတို့နှစ်ဦးစလုံး လှည့်ကြည့်မိကြသည်။

" ဖမ်းမိထားတဲ့ လူနာ ၃ ဦး ပြန်လွတ်သွားပါတယ်… ထမင်းလာကျွေးတဲ့သူကို ရိုက်ပြီး ထွက်ပြေးသွားတာပါ"

သူဆရာ ဝန်ကြီးကို အလန့်တကြား ကြည့်မိသည်။

ဆရာဝန်ကြီးက အဓိပ္ပါယ်ပါသော အပြုံးကို ပြုံးလိုက်ရင်းး…..
"ကဲ.. ရဲဘော် ၃ ဦးကတော့ စစ်မြေပြင်ဆီ ပြန်သွားကြပြီ….ငါတို့ တပ်ကူတွေကလည်း နောက်ကနေ လိုက်ကြဦးစို့…"

ရွှင်လန်းချမ်းမြေ့ပါစေ။

#လင်းသစ်နွေ

ကြက်ဥပုံပြင်

ကြက်ဥပုံပြင်

သင်သေသွားတယ်။ အိမ်ကိုပြန်လာတဲ့ လမ်းမှာပဲ သင်သေသွားတယ်။ သမားရိုးကျ ကားအက်စီဒင့် တစ်ခုဖြစ်ပေမယ့် သေလောက်တဲ့အထိတော့ ဖြစ်သွားတယ်။ သင့်မှာ မိန်းမနဲ့ ကလေးနှစ်ယောက် ကျန်ခဲ့တယ်။ ဖြစ်ပျက်သွားတာက မြန်ဆန်လွန်းတော့ နာကျင်မှုကိုတောင် မခံစားလိုက်ရဘူး။ အရေးပေါ် ကယ်ဆယ်ရေးသမားတွေက သင့်ကို အချိန်မီကယ်ဆယ်ဖို့ ကြိုးစားကြပေမယ့် ဘာမှ လုပ်ပေးဖို့လည်း မတတ်နိုင်ကြဘူး။ သင့်ခန္ဓာကိုယ်က တစ်စစီတောင်ပြန်ကျဲလို့နေပါတယ်။

အဲဒီမှာပဲ သင်က ကျွန်ပ်နဲ့စတွေ့ခဲ့တာ ဖြစ်ပါတယ်။

"ဘာ…ဘာဖြစ်သွားတာလဲ…. အခုက ဘယ်ရောက်နေတာလဲ"

သင်က ကျွန်ပ်ကိုမေးတော့ ကဗျာဆန်မနေတော့ဘဲ တည့်တည့်ပဲဖြေလိုက်တယ်။

"မင်းသေသွားတယ်"

"ထရပ်ကားတစ်စီးက…. အဲ့နားမှာ .. ရပ်ထားတာ"

"ဟုတ်တယ်"

"ငါ…ငါသေသွားပြီလား.."

"အင်း…ဒါပေမယ့် သိပ်တော့စိတ်မကောင်းမဖြစ်ပါနဲ့.. လူတိုင်းက အချိန်တန်ရင် သေကြရတာပါပဲ"

သင်က ဘေးပတ်ဝန်းကျင်ကို လှည့်ပတ်ကြည့်တယ်။ သင်ရယ် ကျွန်ပ်ရယ်ကလွဲရင် ဘာမှမရှိဘူး။

"ဒါဘယ်နေရာလဲ…သေပြီးရင်ရော နောက်ဘဝရှိတာလား"

"နေမှာပေါ့"

"ခင်ဗျားက တန်ခိုးရှင် လား"

သင်ကမေးတော့ပြန်ဖြေလိုက်တယ်။ "ဟုတ်တယ်…ငါက တန်ခိုးရှင် ပါပဲ"

"ကျွန်တော့ မိန်းမနဲ့ ကလေးတွေ……."

"ဘာဖြစ်လဲ.. မင်းမိန်းမနဲ့ကလေးတွေ"

"သူတို့တွေ အဆင်ပြေကြလား"

"အဲ့တာကို ငါလည်းသိချင်နေတာ…မင်းကအခုပဲသေသွားတာ…မင်းကမင်းမိသားစုကို စိတ်ပူနေတယ်..ကောင်းပါ့ကွာ"

သင်က ကျွန်ပ်ကို စိတ်ဝင်တစားကြည့်တယ်။

မင်းအနေနဲ့ငါကို တန်ခိုးရှင် လို့ ထင်ချင်စရာရှိချင်မှရှိမယ်။ ငါ့က တစ်ချို့သော ယောင်္ကျား.. ဒါမှမဟုတ် တစ်ချို့သော မိန်းမတွေနဲ့ တူချင်တူမယ်။ ငါ့ကို ဘယ်လိုပုံစံဆိုတာ သဲသဲကွဲကွဲ မြင်နိုင်တဲ့အစွမ်း မင်းတို့မှာ မရှိတာလည်း ဖြစ်နိုင်ပါတယ်။

"စိတ်မပူပါနဲ့… မင်းမိသားစုတွေက အဆင်ပြေကြပါတယ်။ မင်းရဲ့ကလေးတွေက မင်းကို ဖခင်ကောင်း တစ်ယောက်အဖြစ်နဲ့ သတိရနေကြလိမ့်မယ်။ သူတို့ဟာ သေဆုံးသွားတဲ့ဖခင်အပေါ် မထီမဲ့မြင်တောင် မပြုကြဘဲ ကြီးပြင်းလာလိမ့်မယ်။ မင်းမိန်းမကတော့ အပြင်ပန်းမှာ ငိုနေပေမယ့် စိတ်ထဲကတော့ ကြိတ်ဝမ်းသာနေတယ်။ မျှမျှတတပြောရရင် မင်းမသေရင်လဲ မကြာခင်မှာလဲမင်းတို့ အိမ်ထောင်ရေးကလည်း ပြိုကွဲဖို့ရှိတယ်။ နှစ်သိမ့်စကားလေးနဲ့ ဖာထေးပြောရရင်တော့ သူကြိတ်ဝမ်းသာနေမိတဲ့အပေါ် အကြီးအကျယ်နောင်တရလိမ့်ဦးမယ်"

"အော်…….. ဒါ့ဖြင့် အခုကဘာလဲ.. ကျွန်တော်က ကောင်ကင်ဘုံသွားရမှာလား.. ငရဲသွားရမှာလား ဘယ်သွားရမှာလဲ"

"ဘယ်မှမသွားရဘူး…မင်းနောက်တစ်ဖန် လူပြန်ဝင်စားရလိမ့်ဦးမယ်"

"အန်… ဒါဖြင့် ဟိန္ဒူတွေရဲ့ အယူအဆက မှန်နေတာပေါ့"

"ဘာသာတွေ အားလုံးကတော့ သူရဲ့နည်းလမ်းနဲ့သူ အမှန်တွေချည်းပါပဲ… ကဲ..ငါနဲ့လမ်းလျှောက်ရအောင်"

ဟာလာဟင်းလင်းပြင်မှာ ခြေလှမ်းကျဲကျဲနဲ့ လျှောက်တာကို သင်ကအမှီလိုက်လျှောက်နေတယ်။

"ဘယ်သွားနေတာလဲဗျ"

"ဘယ်မှ မသွားပါဘူး… ဒီအတိုင်း လမ်းလျှောက်ရင်း စကားစမြည်ပြောရတာ မကောင်းဘူးလား"

"ဒါဆို ဘာအကြောင်းပြောကြမှာလဲ…. ကျွန်တော်လူပြန်ဝင်စားတဲ့အခါကျရင်လဲ ကလေးပေါက်စလေးအနေနဲ့ပဲ ပြန်မွေးလာရမှာပေါ့နော်… ဘာမှမသိတော့တဲ့ အခြေအနေလေ။ အဲ့လိုသာဆိုလို့ကတော့ ဒီဘဝမှာရခဲ့တဲ့ အတွေ့အကြုံတွေ၊ ကြိုးစားမှုတွေက အလကားပါပဲလား"

"နိုး..အလကားတော့မဟုတ်ဘူး။ မင်းအရင်ဖြစ်ခဲ့ဖူးသမျှ ဘဝတွေအားလုံးရဲ့ အသိပညာတွေ၊ အတွေ့အကြုံတွေ အားလုံးမင်းဆီမှာ ရှိတယ်။ လောလောဆည် ပြန်မမှတ်မိသေးတာလေး တစ်ခုပါပဲ"

ကျွန်ပ်က လမ်းလျှောက်နေတာရပ်လိုက်ပြီး သင့်ရဲ့ ပုခုံးကို ကိုင်လိုက်ရင်း

"မင်းရဲ့ ဝိဉာဉ်က မင်းတွေးထင်ထားတာထက် ပိုပြီး ကြီးကျယ်ခန်းနားတယ်။ ပိုပြီး ကြီးမားလှပတယ်။ လူတွေရဲ့ ဦးနှောက်ကတော့ အလွန်သေးငယ်တဲ့ အစိတ်အပိုင်းလေးတစ်ခုကိုပဲ သယ်ဆောင်နိုင်တယ်။ ဘာနဲ့တူလဲဆိုတော့ ဖန်ခွက်ထဲကရေ ပူလား၊ အေးလားဆိုတာ သိရဖို့အတွက် လက်ချောင်းကလေး ထည့်ကြည့်သလိုပေါ့။ အရမ်းသေးငယ်တဲ့ အိုးကလေးက မင်းနဲ့မဆန့်လို့ အိုးထဲမှာ ဘာရှိလဲဆိုတာသိရဖို့ မင်းရဲ့ အစိတ်အပိုင်းတစ်ခုကို အိုးထဲထည့်လိုက်သလိုပဲ။ အိုးထဲကနေ ပြန်ယူလိုက်တဲ့အခါမှာ အိုးထဲမှာ ရှိတဲ့ဟာတွေ အားလုံးမင်းဆီရောက်သွားရော"

"မင်းလူဖြစ်ခဲ့တာလဲ ၄၈ နှစ်ရှိသွားပြီ။ ဒါ့ကြောင့် အကန့်အသတ်မရှိတဲ့ မင်းရဲ့အသိတရားတွေဘက်ဆီ ခုချက်ချင်း မဆွဲဆန့်နိုင်သေးဘူး။ ဒီနေရာမှာ ငါတို့ အချိန်တော်တော်ကြာထိ နေလိုက်မယ်ဆိုရင်တော့ မင်း အားလုံးကို ပြန်မှတ်မိလာမှပါ။ ဒါပေမယ့် ဘဝတစ်ခုနဲ့ တစ်ခုအကြားမှာ ဒီလောက်အကြာကြီးနေဖို့လဲ ဘာအကြောင်းမှ မရှိဘူးလေ"

"ဒါဖြင့် ကျွန်တော်က ဘယ်နှကြိမ်တောင် ပြန်ဝင်စားခဲ့ရပြီးပြီလဲ"

"အော.. အများကြီးပေါ့ကွာ.. အများကြီးမှ အများကြီး။ ဘဝတွေများစုံလို့။ ဒီတစ်ကြိမ်မှာတော့ မင်းက AD -504 ကာလလောက်မှာ တရုတ်ကျေးတောသူမလေး တစ်ယောက်အဖြစ် ဝင်စားရလိမ့်မယ်"

"နေပါဦး..နေပါဦး.." သင်က ထိတ်လန့်တကြားနဲ့မေးတယ်။ "ခင်ဗျားက ကျွန်တော့ကို အချိန်နောက်ပြန်ကြီး ပို့မလို့လား"

" အင်း အချိန်ဆိုတာကလည်း မင်းတို့ရဲ့လောက မင်းတို့ရဲ့ စကြဝဠာမှာပဲ တည်ရှိတာ။ ငါလာခဲ့တဲ့နေရာကနဲ့ဆို တစ်ခြားစီပဲ "

"ခင်ဗျားက ဘယ်နေရာကနေ လာတာလဲ"

"ငါလား… တစ်နေရာရာကလာတာ။ တစ်နေရာရာကပေါ့ကွာ။ အဲ့မှာဆို ငါ့လို တစ်ခြားတွေလဲရှိတယ်။ အဲ့နေရာက ဘယ်လိုပုံစံလဲဆိုတာ မင်းသိချင်နေမယ်ဆိုတာ ငါသိပါတယ်။ ဒါပေမယ့် ပွင့်ပွင့်လင်းလင်းပြောရရင် မင်းနားလည်မှာ မဟုတ်ဘူး "

"အော်…" သင်ကစိတ်ဓါတ်ကျသွားသလိုနဲ့ ရေရွတ်တယ်။ "နေဦးနေဦး.. ခုလိုတစ်ခြားနေရာ၊ တစ်ခြားအချိန်တွေမှာ ဝင်စားနေရရင် တစ်နေရာတစ်ချိန်ချိန်မှာ ကိုယ်ဖာသာကိုယ် ပြန်ဆုံနေကြမှာပေါ့"

"သေချာတာပေါ့.. တစ်ချိန်လုံးက အဲ့လိုပဲဖြစ်နေတာပဲလေ။ ဆုံကြရင်တောင် နှစ်ယောက်လုံးက ကိုယ့်ဘဝကာလ အတွင်းမှာပဲ ကိုယ်နေထိုင်ကြတာမို့ တစ်ကယ်တမ်း ဘာတွေဖြစ်နေတယ်ဆိုတာ သတိပြုမိကြမှာ မဟုတ်ဘူး"

"ဒါဆို ဘာလို့ အဲ့တာကို လုပ်နေသေးတာလဲ"

"ဘယ်လို… ဘယ်လိုမေးတာ… မင်းကဘဝရဲ့အဓိပ္ပါယ်ကို မေးနေတာလား..။ နည်းနည်းတော့ သမားရိုးကျ ဆန်လွန်းမနေဘူးလား"

"ဒါ ..သဘာဝကျတဲ့မေးခွန်းပဲလေ" သင်က အလျှော့မပေးဘဲ ထပ်ပြောသည်။

ကျွန်ပ်က သင့်ရဲ့မျက်လုံးတွေထဲ စိုက်ကြည့်လိုက်ရင်း….

" ဘဝရဲ့အဓိပ္ပါယ်…. ဒီစကြဝဠာတစ်ခုလုံးကို ငါဖန်ဆင်းခဲ့ရတဲ့ ရည်ရွယ်ချက်က မင်းတည်ငြိမ်ရင့်ကျက်လာစေဖို့ပဲ"

"ခင်ဗျားပြောချင်တာက လူသားတွေပေါ့….ကျွန်တော်တို့တွေကို ရင့်ကျက်လာစေချင်တယ်ပေါ့"

"လူသားတွေမဟုတ်ဘူး.. မင်းပဲ..။ မင်းအတွက်ပဲ ဒီစကြဝဠာကို ဖန်ဆင်းပေးခဲ့တာ။ ဘဝသစ်တစ်ခုရရှိပြီး ကြီးထွားရှင်သန်လာပြီးတိုင်း ပိုပြီးရင့်ကျက်လာတယ်။ ပိုပြီးအသိဉာဏ်ကြွယ်ဝ ရင့်သန်လာတယ်"

"ကျွန်တော့်အတွက်ပဲလား… ကျန်တဲ့သူတွေကရော"

"ကျန်တဲ့သူတွေဆိုတာမရှိဘူး..။ ဒီစကြဝဠာမှာ မင်းရယ် ငါရယ် နှစ်ယောက်တည်းပဲ…"

သင်က ကျွန်ပ်ကိုဟာတာတာနဲ့ ကြည့်တယ်။ " ဒါဆို ကမ္ဘာပေါ်မှာရှိတဲ့ လူတွေအားလုံးက….."

"အားလုံးက .. မင်းပဲ.. ။ တစ်လဲစီပြန်ပြန်ဝင်စားနေတဲ့ မင်းကိုယ်တိုင်ပဲ"

"နေဦး.. ဒါဆိုလူအားလုံးက ကျွန်တော်ပဲပေါ့"

"အခုမင်းနားလည်သွားပြီပဲ" ကျွန်ပ်ကပြောရင်း ဂုတ်ယူသည့်သဘောဖြင့် သင့်ရဲ့နောက်ကျောကို လက်နဲ့ ပုတ်လိုက်တယ်။

" ရှင်သန်ခဲ့ဖူးသမျှ လူသားဘဝတွေအားလုံးက ငါပဲလား…" သင်က သင်ဖာသာသင် ရေရွတ်နေတယ်။

"ဟုတ်တယ်..နောက်ထပ်ရှင်သန်ကြမယ့် လူသားတွေရဲ့ဘဝတွေရောပေါ့.." ကျွန်ပ်က ကြားထဲက ဝင်ပြောလိုက်တယ်။ 

"ငါက အီဗရာဟင် လင်ကွန်းလား….. ငါက ဟစ်တလာရောပါ့…."

"ဒါတင်မက… သူသတ်ခဲ့တဲ့ သန်းပေါင်းများစွာသော အသတ်တွေကလည်း မင်းပဲ"

"ကျွန်တော်က တရားတွေကို ဖြန့်ဝေခဲ့တဲ့သူပေါ့"

"တရားတွေကို လိုက်နာဆည်းကပ်ခဲ့ကြတဲ့ နောက်လိုက်တွေလည်း ဖြစ်ခဲ့ကြတာပေါ့"

သင်တိတ်ဆိတ်ငြိမ်သက်သွားတယ်။

"တစ်ယောက်ယောက်ကို ငါကဒုက္ခရောက်အောင် လုပ်လိုက်မိတဲ့အခါတိုင်း…….."

"မင်းဟာ မင်းကိုယ်မင်းဒုက္ခရောက်အောင် လုပ်မိသလို ဖြစ်သွားတယ်။ မင်းလူတွေကို အကြင်နာတရားထားပြီး ကူညီပေးခဲ့ပေးခဲ့တဲ့အခါတိုင်းကလည်း မင်းကိုမင်း ကူညီလိုက်တာပါပဲ..။ 

လူသားတိုင်းတွေ့ကြုံခံစားခဲ့ရတဲ့..၊ တွေ့ကြုံခံစားလာရမယ့် အရာတိုင်းဟာ မင်းကြောင့်ပဲ ဖြစ်လာတာ"

သင်က အချိန်အတော်ကြာအောင် စဉ်းစားသွားတယ်။

"ဘာလို့လဲ…. ဘာလို့ဒါတွေကိုလုပ်တာလဲ"

"ဘာလို့လဲဆိုတော့ တစ်နေ့ကျရင် မင်းက ငါ့လိုဖြစ်လာလိမ့်မယ်။ ဒါမင်းပဲ…။ မင်းက ငါ့လိုပဲ.. ငါ့ရဲ့ ကလေးပဲ"

"ဝိုးးး……. ခင်ဗျားဆိုလိုချင်တာ ကျွန်တော်က တန်ခိုးရှင်ပေါ့.."

" မဟုတ်ဘူး..။ မဖြစ်သေးဘူး။ မင်းက အခုမှ အဖူးအငုံလေးပဲရှိသေးတယ်။ လူသားအားလုံးရဲ့ ဘဝတွေမှာ နေထိုင်ပြီးတဲ့နောက်မှာတော့ မင်းဟာ မွေးဖွားခံရမယ့် အရွယ်ရောက်ပါပြီ"

"ဒါဆို .. စကြဝဠာတစ်ခုလုံးဆိုတာကရော…… ဘယ်လိုတည်ဆောက်ထားတာလဲ"

"စကြဝဠာဆိုတာ ကြက်ဥလေးတစ်လုံးပါပဲ…. ကဲ.. အချိန်မရှိတော့ဘူး နောက်ဘဝကူးကြဦးစို့…"

ကျွန်ပ်က သင်သွားရမယ့် နေရာကို ပို့ဆောင်ပေးလိုက်ပါတယ်။

နိဂုံးချုပ်

စာဖတ်သူတွေအနေနဲ့ ယခုအချိန်မှာ စိတ်တွေ ပျံ့လွင့်နေပြီး အတွေးတွေ လွင့်ပျံပေါက်ကွဲနေတဲ့ ခံစားချက်ကို ခံစားနေရမှာပါ။ သင်ဟာ ကြီးကျယ်မြင့်မြတ်တဲ့နေရာကနေ ဆင်းသက်လာတဲ့သူလိုလဲ ခံစားနေရမယ်။ မှန်သာအနားမှာ ရှိရင် ကိုယ့်မျက်နှာကိုယ်တောင် မှန်ထဲမှာ ကြည့်မိနေလောက်ပြီ။

ပြီးတော့ တစ်စုံတစ်ယောက်ကို တွေ့မိတိုင်း သင့်စိတ်ထဲမှာ မတွေးမိပဲ မနေနိုင်အောင် ဖြစ်မိပါလိမ့်မယ်။

ကိုယ့်ကိုကိုယ် မေးခွန်းတွေလဲ မေးနေမယ်။ "ငါက ငါ့အစ်ကိုပဲလား၊ ငါက ငါ့ကလေးလား၊ ငါ့မိန်းမလား၊ သူငယ်ချင်းတွေကရော ငါပဲလား.." သူတို့တွေနဲ့ စကားပြောမိတိုင်းလည်း ဒါကိုစိတ်ထဲမှာတွေးမိနေမယ်။

ပိုပိုပြီး မေးခွန်းတွေ ထုတ်မိနေမှာက "ဒီလန်းတဲ့ waiter မလေးက ငါများလား၊ လီယိုနာဒိုက ငါများလား၊ ဂန္ဒီရော ငါလား..၊ နိုင်ငံရေးသမားတွေ၊ စစ်ပွဲမှာ သေဆုံးခဲ့ရတဲ့ စစ်သားတွေက တစ်ကယ်ပဲ ငါပဲလား" ဆိုပြီးတော့ပေါ့..။

ပြဿနာတော့မရှိပါဘူး..။

လူတိုင်းမှာ ဒီလိုမေးခွန်းတွေရှိနေမယ်။ လူတိုင်းက ဒီလိုအတွေးတွေနဲ့ လူအများကို တစ်ယောက်တည်းအဖြစ် ကြည့်နေမိမယ်ဆိုရင် ဒီဟာက ပုံပြင်တစ်ပုဒ်ဖြစ်နေပြီး ဒီပုံပြင်ကို ယုံကြည်နေကြတာဆိုရင်ရော ဘာအရေးလဲ။ ဒီပုံပြင်က ကမ္ဘာကြီးကို ပိုကောင်းတဲ့နေရာတစ်ခု ဖြစ်စေဖို့ လုပ်ဆောင်တဲ့ အရာတစ်ခုဖြစ်နေလိမ့်မယ်။

အထက်မှာ ရေးခဲ့သမျှအကြောင်းအရာတွေဟာ တစ်ခုမှ အမှန်မဟုတ်ပါဘူး..။

သင့်ကိုသင် ကြီးကျယ်မြင့်မြတ်သူတစ်ယောက်အဖြစ်၊ ကိုယ်ချင်းစာတရားရှိလာမယ့်သူအဖြစ် တွေးထင် စေမယ့် ပုံပြင်လေး တစ်ပုဒ်သာ ဖြစ်ပါတယ်။

#လင်းသစ်နွေ

(Andy Weir ၏ The Egg ဝတ္ထုအား သင့်လျော်အောင် ပြန်ဆိုရေးသားပါသည်)

မြနှင်းဆီ (အပိုင်း-၃) ဇာတ်သိမ်း

' ဟားဟားဟား'

ဦးစဝ်ခွန်နောင်မှာ မီးလျှံများကြားထဲတွင် ကြောက်လန့်တကြားရုန်းကန်နေသော ဥက္ကာကို ကြည့်ရင်း အားရပါးရ ရယ်မောနေသည်။ ဥက္ကာ၏ ခြေထောက်မှာ ထိုင်ခုံကိုစွဲလာသော မီးနှင့်အတူ စတင် လောင်မြိုက်နေပြီ ဖြစ်သည်။

ထိုစဉ်....

' ခွပ် '

'အာား'

အော်သံနှင့်အတူ ဦးစဝ်ခွန်နောင်လဲ ကျသွားသဖြင့် ကြည့်လိုက်ရာ ဗြတ္တ ဖြစ်နေသည်ကို တွေ့ရသည်။

' မင်းဒီကို လာတယ်လို့ စောဒေးဗစ်လာပြောလို့ စိတ်ပူပြီး လိုက်လာတာ ထင်တဲ့အတိုင်းပဲ'

' မြန်မြန် ကျွန်တော့ကို ဒီကြိုးတွေ ဖြေပေးပါဦး '

ဗြတ္တမှ အသင့်ယူလာသော ဓါးမြောင်ဖြင့် ကြိုးများ ဖြတ်ပေးလိုက်သည်။
' ကိုရင် ဗြတ္တ .. ဦးစဝ်ခွန်နောင်ကို အပြင်ခေါ်သွားတော့ ကျွန်တော်စာအုပ်ရှာရင်း လိုက်ခဲ့မယ် '

' ဘာစာအုပ်လဲ... မီးက အရမ်းများနေပြီနော် '

' စာအုပ်က ဦးစဝ်ခွန်နောင် ကျူးလွန်ထားသမျှ မှုခင်းတွေရဲ့ သက်သေပဲ.. သွားနှင့်တော့ ကိုရင် ဗြတ္တ အချိန်မရှိတော့ဘူး'

ဗြတ္တလည်း အချိန်မဆိုင်းတော့ပဲ ဦးစဝ်ခွန်နောင်ကို တွဲ၍ အပြင်သို့ ထွက်လာခဲ့သည်။ ခဏကြာသော် မီးလျှံများကြားမှ စာအုပ်တစ်အုပ်ကိုင်၍ ဥက္ကာအပြေးထွက်လာသည်။ အပြင်ရောက်သော် ဗြတ္တနှင့်အတူ စောဒေးဗစ်ပါ ပါလာသည်ကိုတွေ့ရသည်။

' ကျေးဇူးပါ ကိုစော... မဟုတ်ရင် ကျွန်တော် အသက်မရှင်လောက်တော့ဘူး '
' ရပါတယ်ကွာ... ငါလည်း စိတ်ပူလာပြီး ဘာလုပ်ရမှန်းမသိတာနဲ့ ဘုန်းကြီးကျောင်းကို ပြေးပြောတာ ကိုဗြတ္တနှင့် တွေ့လို့ .. ဗဲရီးလပ်ကီးပဲပေါ့ '
' ဒီစာအုပ်နဲ့ ဦးစဝ်ခွန်နောင်ကို သက်ဆိုင်ရာ အပ်ပေးပါ... ကျွန်တော် မြနှင်းဆီနောက် လိုက်သွားမယ်'

' ငါပါ လိုက်ခဲ့မယ် ဥက္ကာ.... မင်းဒီတစ်ခါတော့ တစ်ယောက်တည်း မသွားနဲ့တော့ '

' ကောင်းပါပြီ ကိုရင် ဗြတ္တ ... လိုက်ခဲ့ပါ '

တစ်ချိန်က ထည်ဝါခမ်းနားခဲ့သော မြမဉ္ဇူစံအိမ်ကြီးသည် ယခုတော့ မီးညွန့်မီးလျှံများ အောက်တွင် ဝပ်တွားခယ လျှက်ရှိနေပေသည်။ အချိန်ကား မနက်မိုးပင် သောက်လုပြီ။

' ဝဏ္ဏ ဘိုတဲမှာ ရှိလိမ့်မယ်ထင်တယ် ကျွန်တော် ဝင်ရှာလိုက်မယ် '

' နေဦး အခြေအနေကြည့်ရအောင် မတော်ရင် ပုလိပ်တွေနဲ့ တိုးနေမယ်'

' ကြည့်ရသလောက်တော့ ပုလိပ်မရှိလောက်ဘူး ကိုရင်ဗြတ္တ .... ဝဏ္ဏ တစ်ယောက်တည်းနေတဲ့ပုံပဲ '

ဥက္ကာ ဘိုတဲ ဝင်းအတွင်း ကြည့်လိုက်ရာ မီးဖိုထားသော မီးပုံတစ်ခုနှင့် ဘေးတွင် မူး၍ အိပ်နေဟန်တူသော လူနှစ်ယောက်ကို တွေ့ရသည်။
ဝင်းအတွင်းသို့ ခြေသံဖော့၍ ဝင်သွားရာ ဘိုတဲဘေးမှ ထွက်လာသူတစ်ဦးနှင့် သွားဆုံသည်။

' ဘယ်သူတွေလဲ ..... အွတ် '

ကိုဗြတ္တမှ လျှင်မြန်စွာ ပြေးဝင်ပြီး ရင်ညွန့်ကို ခြေဖြင့် ကန်လိုက်ရာ နောက်သို့ဖင်ထိုင်ရက်ကျသည်။ ထို့နောက် ဇာတ်ပိုးနေရာကို လက်ဝါးစောင်းဖြင့် ခုတ်လိုက်ရာ တစ်ချက်တည်း ဖြင့် မေ့မျောသွားလေသည်။

လှုပ်လှုပ်ရှားရှား အသံများကြောင့် မီးပုံဘေးတွင် အိပ်နေသော လူနှစ်ယောက်နိုးသွားသည်။

' ဟာ... ဟေ့ ဒီမှာ လူစိမ်းတွေရောက်နေတယ် လာကြဟေ့....'
' ဒုံ ဒုံ ဒုံ ဒုံ '

နိုးလာသော လူနှစ်ယောက်မှ အော်ဟစ် အချက်ပေးရင်း သံပုံးတွေပါ ခေါက်လိုက်သဖြင့် လူအယောက် ၂၀ ခန့် အလျှို လျှိုထွက်လာကြသည်။
' ငါကြည့်ထိန်းထားလိုက်မယ် ဥက္ကာ ... အမြန်သွားတော့ '

' ဖြစ်ပါ့မလား ကိုရင် ဗြတ္တ '

' ငါက မင့်ဆရာဆိုတာ မမေ့နဲ့ဦးလေ '

' အရင်တုန်းကပါဗျာ... ဟဲ '

ဗြတ္တကို စိတ်ချသွားပြီး ဘိုတဲ ရှိရာသို့ ဥက္ကာ လွှားခနဲ ပြေးထွက်သွားသည်။ လူအယောက် ၂၀ မှာ တုတ်များ၊ ဓါးများကိုယ်စီဖြင့် ဗြတ္တကို အမဲ ဖျက်ရန် ပြေးဝင်လာကြတော့သည်။

ဥက္ကာ ဗိုလ်တဲ အပေါက်ဝရှိရာ စင်္ကြန်အရောက်တွင် လူတစ်ဦး အသင့်စောင့်ဆိုင်းနေသည်ကို တွေ့ရသည်။

' လမ်းမှားလာတာလား ချာတိတ် '

' ခင်ဗျား ကျွန်တော့် အရှေ့က ဖယ်လိုက်ပါ '
' ငါထင်တာမမှား ဘူးဆိုရင် ပြီးခဲ့တဲ့တစ်ခေါက်က ငါ့အလုပ်မှာ ဝင်နှောက်သွားတာ မင်းပဲ ဖြစ်ရမယ် '

ထိုသူပြောစကားကြောင့် ယခင်မြနှင်းဆီကို နှောက်ယှက်သော သူများမှာ ၎င်း၏ လူများ ဖြစ်ကြောင်း သိလိုက်ရသည်။

' ငါ့နာမည် ငမိုး ... အဲ့နေ့တည်းက မင့်ကိုလိုက်ရှာနေတာ... ကံကောင်းချင်တော့လည်း မင့်ကိုယ်တိုင် ဆိုက်ဆိုက်မြိုက်မြိုက် ရောက်လာတာပါလား... ငါ့ရဲ့ သိက္ခာလေးတွေကို ပြန်ဆည်ပေးရမှာပေါ့ကွာ... မင်းရဲ့ အရိုးလေးတွေ ချိုးရရင် ကျေနပ်ပါပြီ .... ရော့.... '

' ဖုန်း'

စကားဆုံးဆုံးချင်း လျှပ်တပြက် ကန်လိုက်သဖြင့် ရှေင်ချိန်မရလိုက်ပဲ လက်နှစ်ဖက်ပူးပြီး ကာလိုက်ရသည်။ ကန်ချက်အလွန်ပြင်းသဖြင့် အနောက်သို့ နှစ်လှမ်းခန့် ယိုင်သွားရာ လျှော့တွက်၍ မရကြောင်း သိလိုက်ရသည်။

ဥက္ကာလည်း အသင့်အနေအထားဖြင့် ပြင်ထားပြီး နောက်လာမည့် တိုက်ကွက်အတွက် စောင့်ဆိုင်းနေလိုက်သည်။ ငမိုးမှ ဘက်ဝိုက်လက်သီး ဖြင့် ထိုးလိုက်သဖြင့် ငုံ့ရှောင်လိုက်ပြီး ဝမ်းဗိုက်ကို အားစိုက်ထိုးချလိုက်ရာ ဖင်ထိုင်လျက် လဲကျသွားသည်။

ငမိုးဒေါသထွက်သွားပြီး ပိုမိုပြင်းထန်စွာ တိုက်ခိုက်တော့သည်။ ညာဘက်အရောင်ပြပြီး ဘယ်ဘက်မှ ထိုးသည်။ ဘယ်ဘက်မှ ထိုးဟန်ပြုပြီး ညာမှ ဒူးဖြင့်တိုက်သဖြင့် ဥက္ကာ အလူးအလဲ ခံလိုက်ရသည်။

ငမိုးမှာ သူ့ထက် လူကောင် နှစ်ဆကြီးသဖြင့် ရေရှည် ယှဉ်ပြိုင်ရန် မလွယ်ကူမှန်း သဘောပေါက်လိုက်သဖြင့် တိုက်ပွဲကို ရောင်ပြန်တိုက်ကွက်ဖြင့် အမြန်အဆုံးသတ်ရန် ဆုံးဖြတ်လိုက်သည်။

ရောင်ပြန်တိုက်ကွက်ဆိုသည်မှာ လက်သီးကို လက်သီးချင်း၊ ဒူးကို ဒူးချင်း၊ တံတောင်ကို တံတောင်ချင်း ပြန်လည်ခုခံရသည့် သိုင်းတစ်ခုဖြစ်သည်။ ၎င်းတိုက်ကွက်မှာ အလွန် အန္တရာယ်များပြီး လေ့ကျင့်သားရှိသော သူမှသာလျှင် ခံနိုင်ရည်ရှိမည် ဖြစ်သည်။

ထိုအခိုက် ငမိုးမှ ဘယ်ဘက်အရောင်ပြပြီး ညာခြေဖြင့် ပတ်ကန်လိုက်သဖြင့် ညာခြေဖြင့်ပင် ပြန်လည် ကန်လိုက်သည်။
' ဖြောင်း '
မမျှော်လင့်ထားသော ခုခံမှုမျိုးကြောင့် ငမိုး အထိနာသွားပြီး ဝရုန်းသုံးကားဖြင့် ညာလက်သီးနှင့် တစ်ဖြောင့်တည်းထိုးချလိုက်လေသည်။
ထိုအခါ ဥက္ကာမှ ၎င်း၏ထိုးချက်အားပျော့သွားစေရန် အနောက်အနည်းငယ် ဆုတ်ပေးလိုက်ပြီး ညာလက်သီးဖြင့်ပင် တည့်တည့်ဆိုင်ဆိုင် ပြန်လည်ထိုးချလိုက်သည်။

' ဖြောင်း '
' အားးး '
ကျင့်သားမရှိသော ငမိုးမှာ လက်ဖျံရိုးကျိုးသွားသဖြင့် ဒယီးဒယိုင် ဖြစ်သွားစဉ် ရင်ဝသို့ ဒူးဖြင့် အပြင်းတိုက်ပေး လိုက်ရာ အရုပ်ကျိုးပြတ် လဲကျသွားတော့သည်။

ဘိုတဲ တံခါးကို တွန်းကြည့်ရာ မင်းတုပ်ချထား ဟန် တူသဖြင့် တုပ်တုပ်မျှပင် မလှုပ်ပေ။ ဥက္ကာ အားကုန်သုံး၍ ကန်ဖွင့်လိုက်သည်။

' ဝုန်း '
မြနှင်းဆီကို ကြမ်းပြင်ပေါ်ဝယ် ခွေခွေလေးတွေ့လိုက်ရသဖြင့် စိုးရိမ်တကြီး ပြေးပွေ့လိုက်သည်။

' မြနှင်းဆီ... မြနှင်းဆီ '

ဥက္ကာ ခေါ်သံကို မြနှင်းဆီ မကြားတော့ပါ။

' ဖြစ်ရလေ မြနှင်းဆီရယ် .... သတိရပါဦး ... စကားပြန်ပြောပါဦး မြနှင်းဆီရယ်'
ဥက္ကာရင်ဘက်တစ်ခုလုံး ကြေမွသွားသလို ခံစားရပြီး မျက်ရည်များ တားမရအောင် ကျဆင်းလာသည်။ ယောက်ကျားရင့်မာဖြစ်သော်လည်း ချစ်သူအတွက် ပူဆွေးဝမ်းနည်းသောကြောင့် ကျသော မျက်ရည်တို့ကို ချုပ်တည်းနိုင်စွမ်း မရှိတော့ပေ။

' ဆောရီး... ကွာ... ငါတကယ်မရည်ရွယ်ပါဘူး'

အသံလာရာသို့မော့ကြည့်လိုက်တော့ ဝဏ္ဏ။

' ငါ ကောင်းကောင်းမွန်မွန်နဲ့ချော့မော့ဆက်ဆံပါသေးတယ် .... သူအရမ်းခေါင်းမာလွန်းလို့ လက်လွန်သွားတာ'

' မင်း မြနှင်းဆီကို သတ်လိုက်တယ်'

ဥက္ကာ၏ မျက်လုံးများ မီးဝင်းဝင်းတောက်သွားသည်။ ထွက်လာသော ဒေါသအရှိန်တို့သည် ဝဏ္ဏကို အစိတ်အမွှာမွှာဖြစ်အောင် လုပ်ရန် လုံလောက်သွားသည်။

' ဒါပေမယ့် မြနှင်းဆီကို ငါသတ်တာမဟုတ်ဘူး မင်းသတ်တာ ဖြစ်သွားပြီ အခုမင်းလက်ပေါ်မှာ... တခြားလူလည်း သက်သေမရှိဘူး'

' ကဲကွာ' ' ခွပ်'
' လူစိတ်မရှိတဲ့ကောင် ... ဖြောင်း '

ဥက္ကာ စိတ်ရှိလက်ရှိထိုးနေသဖြင့် ဝဏ္ဏမှာ သွေးများ ထွန်းအိုင်လျက် ရုပ်ပျက်ဆင်းပျက်ဖြစ်နေသည်။

' ဥက္ကာတော်တော့ မင်းဆက်ထိုးနေရင် သေသွားလိမ့်မယ်'
ဗြတ္တရောက်လာမှ အသိစိတ်ပြန်ဝင်လာပြီး ဝဏ္ဏကို ဆွဲမြောက်ထားရာမှ ပစ်ချလိုက်သည်။

' မြနှင်းဆီရယ် ဖြစ်ရလေ.... '

ဥက္ကာပြန်အလှည့်တွင် ဝဏ္ဏမှ ရုတ်တရက်ထလာပြီး ခြေသလုံးတွင် ဖွက်ထားသည့် ဓါးမြောင်ကို ထုတ်ယူပြီး ဥက္ကာ နောက်ကျောသို့ စိုက်ချလိုက်သည်။

' ဥက္ကာ အနောက်မှာ'

ဗြတ္တ၏ အော်သံကြားသည်နှင့် ကိုယ်ကို လျှင်မြန်စွာတစ်ပတ်လှည့်လိုက်ပြီး ထိုးလိုက်သော ဓါးမြောင်ကို လက်ပြန်ခေါက်၍ ဝဏ္ဏ၏ မေးစေ့သို့ ပြန်ချိန်ထားလိုက်သည်။

ထိုစဉ် ဝဏ္ဏ၏ ဖခင်နှင့် ပုလိပ်များ ရောက်ရှိလာပြီး သေနတ်များဖြင့် ချိန်ထားလိုက်သည်။

' လက်နက်ချလိုက်ပါ မောင်ရင် ဥက္ကာ မင်းကို လူသတ်မှုနဲ့ ဖမ်းလိုက်ပြီ ... '
ဗြတ္တကိုလည်း ပုလိပ်များမှာ ဝိုင်းဝန်း လက်ထိတ်ခတ်လိုက်ကြသည်။
ဝဏ္ဏက သွေးအလိမ်းလိမ်းကြားမှ ရယ်ကျဲကျဲလုပ်ရင်း ' မင်းလူသတ်မှုနဲ့ ဖမ်းခံရတော့မယ် ... ဟဲဟဲ ..ထောင်ထဲမဝင်ခင် ပြောပြလိုက်မယ်... မြနှင်းဆီ သေသွားပေမယ့် သူ့ရဲ့ခန္ဓာကိုယ်ကိုတော့ ငါပိုင်လိုက်ရတယ်'

' မင်း ... မင်းလူယုတ်မာ '

ဝဏ္ဏ၏လည်ပင်းသို့ တေ့ထားသည့် ဓါးမြောင်အား ကျန်လက်ဖြင့် ရိုက်သွင်း လိုက်တော့သည်။

' ဒိုင်း'

တစ်ချိန်တည်းဆိုသလိုပင် ဝဏ္ဏ၏ဖခင် ပစ်လိုက်သော ကျည်ဆံမှာ ဥက္ကာ ၏ ဘယ်ဘက်ရင်အုံကို ဖောက်ဝင်သွားသည်။

နာကျင်နေတဲ့ ရင်ကအခု အေးမြသွားပါပြီ မြနှင်းဆီ။ ကိုယ်မြနှင်းဆီရှိရာ အရောက်လာခဲ့ပါ့မယ်..........။
................................
.
.
.
' မြနှင်းဆီ ...... မြနှင်းဆီ '

' ဟော သားသတိရလာပြီ..... ဆရာဝန်တွေခေါ်ပါဦး ... သား... ဘယ်လိုနေသေးလဲ '

' မြနှင်းဆီကိုကယ်ပေး.. မြနှင်းဆီ... မြနှင်းဆီကို ခေါ်ပေးကြပါ... '

ကယောင်ကတန်း အော်ဟစ်နေသည့် သားဖြစ်သူကို ကြည့်ရင်း ဒေါ်သီတာစိုး မျက်ရည်ဝဲနေမိသည်။ ထိုစဉ်ဆရာဝန်ကြီး ရောက်လာပြီး လူနာ၏ အခြေအနေကို စမ်းသပ်ပြီး
'ဆရာမလေးတွေ လူနာကို မောဖင်းပေးလိုက်ပါ... စိတ်လှုပ်ရှားမှုလွန်ကဲနေတယ်... အစ်မကြီး ညနေကျရင် ကျွန်တော့ ရုံးခန်းလာခဲ့ပါဦး'
..............

ဆရာဝန်ကြီး၏ ရုံးခန်းထဲသို့ ဝင်လာသောအခါ ဆရာဝန်ကြီးမှ သက်ပြင်းရှည်ချ၍

' ထိုင်ပါဦး ဒေါ်သီတာစိုး .... ဒါ ခင်ဗျားသားရဲ့ ဦးခေါင်းဓါန်မှန်ပါ ... ဦးခေါင်းခွံကွဲပြီး သွေးယိုစီးမှုကြောင့် အလျင်မီခွဲစိတ်လိုက်ရတယ်...'

' အခြေအနေဆိုးလား ဆရာ ကျွန်မသားလေး ပြန်ကောင်းနိုင်ပါ့မလား'

' အတတ်တော့ မပြောနိုင်သေးဘူး ... ဒါပေမယ့် အရမ်းဆိုးမှာ မဟုတ်ပါဘူး... ဦးခေါင်းကို ထိခိုက်မှုကြောင့် ကယောင်ကတမ်းတွေ ပြောနေတာ ဖြစ်နိုင်တယ်... ဆေးပညာအရပြောမယ်ဆိုရင်တော့ အာရုံကြောတွေကို ထိခိုက်မှုကြောင့် အပြင်မှာ မရှိတဲ့ အဖြစ်အပျက်တစ်ခုကို တစ်ကယ်ရှိလို့ ထင်နေရတာမျိုး ဖြစ်နိုင်ပါတယ်'

' ဒါပေမယ့် မောင်ဥက္ကာ ကားအက်ဆီးဒင့်ဖြစ်တာ ရှမ်းသချိုင်းနားလေးမှာဆိုတော့ ရဲတွေကို မေးမြန်းကြည့်ရသလောက် သူကယောက်ကတန်းပြောတဲ့အထဲက နာမည်တစ်ချို့ သချိုင်းထဲက မှတ်တိုင်မှာ ရှိတယ်လို့ ပြောပြကြတယ်.... သူမေ့မျောနေတဲ့ အချိန်မှာ သူ့စိတ်ဝိဉာဉ်ဟာ ဝိဉာဉ်လောကနဲ့ ထိတွေခဲ့တာလည်း ဖြစ်နိုင်တယ်..... ဒါမှမဟုတ် တိဘက် ကလာတဲ့ အယူအဆတစ်ခုရှိတယ်... လူတစ်ယောက်ဟာ မေ့မျောနေစဉ်မှာ အတိတ်ဘဝကို ပြန်လည် ခရီးသွားနိုင်တယ် ဆိုတာတွေနဲ့လည်း သက်ဆိုင်မလားဆိုတာ ကျွန်တော်မပြောတတ်တော့ဘူး... '

' အဲ့ဒီအရာတွေကို သူ့ကိုထိခိုက်စေမှာလား.. ဘယ်လိုကုသရ ကုသရပါဆရာရယ် ကုသပေးပါနော်'

' လောလောဆည်ကျွန်တော်တို့ လုပ်နိုင်တာဆိုလို့ ... စောင့်ကြည့်ဖို့ပဲ ရှိတယ်... သူဟာ ရူးတဲ့သူတစ်ယောက် မဟုတ်တဲ့အတွက် ဒဏ်ရာသက်သာရင်တော့ဆေးရုံက ဆင်းလို့ရပါပြီ.. စိတ်ငြိမ်ဆေးတွေတော့ ပေးလိုက်မယ် ဆက်သောက်ရမယ်... အခြေအနေ တစ်ခုခုထူးခြားတာ ရှိရင်တော့ ကျွန်တော့်ဆီ ချက်ချင်းဆက်သွယ်ပေးပါ....'

' ကျေးဇူးတင်ပါတယ် ဆရာ'

၁၅ ရက်ခန့်ကြာသော် သူဆေးရုံမှ ဆင်းခွင့်ရခဲ့ပါသည်။ မြနှင်းဆီကို ဆုံတွေ့ခဲ့ခြင်းမှာ အိပ်မက်လား ၊ အမှန်တစ်ကယ်လား ခွဲခြား၍ ရနိုင်စွမ်းမရှိပါ။ သေချာစွာ သိနေသည့် အရာတစ်ခုကတော့ သူ မြနှင်းဆီကို အရမ်းချစ်ပါသည်။

' သား....သွားရအောင်လေ '

ဒေါ်သီတာစိုး ဆေးရုံကို သမင်လည်ပြန် ငူငူငေါင်ငေါင် ကြည့်နေသော ဥက္ကာကို ကားပေါ်တတ်ရန် သတိပေးလိုက်သည်။
ဆေးရုံအဆင်းတွင် ဥက္ကာနှင့်အတူပါလာသော ပစ္စည်းများကိုလည်း အိတ်ဖြင့် ပြန်လည်ထည့်ပေးလိုက်သဖြင့် ဖွင့်ကြည့်ရာ ဝတ်နေကျ ဂျင်းအကျီလေးကို တွေ့ရသဖြင့် ဝတ်လိုက်ရင်း ကားပေါ်တတ်လိုက်သည်။

' သား ... စိတ်ထဲမှာ ရှိတာတွေ အားလုံးမေ့လိုက်နော်.. ပျော်ပျော်ရွှင်ရွှင်နေရမယ်ကြားလား'

သူအမေစိတ်ချမ်းသာအောင် ခေါင်းငြိမ့်ပြလိုက်သည်။ သို့သော် မြနှင်းဆီကို ဘယ်လိုမှ မေ့လို့ရတော့မည်မဟုတ်ပေ။ မဖြစ်နိုင်မှန်းသိသော်လည်း သူမ၏ရယ်သံလွင်လွင်လေးတွေကို အခွင့်ရှိမယ်ဆိုရင် ပြန်ကြားခွင့် ရချင်ပါသေးသည်။

မြနှင်းဆီအကြောင်းတွေးရင် အကျီအိပ်ကပ်ထဲသို့ လက်နှိုက်လိုက်ရာ ခိုးလိုးခုလု အရာတစ်ခု စမ်းမိသဖြင့် ဆွဲထုတ်လိုက်သည်။

' ဟာာ'

ထိုအရာကား မြနှင်းဆီ သူ့အတွက် လက်ဆောင်ပေးခဲ့သည့် ဖေါင်တိန်ကလေးပင် ဖြစ်တော့သည်။

ပြီးပါပြီ ။ ။

မြနှင်းဆီ (အပိုင်း-၂)

' ဗျာကျွန်တော် ကျောင်းတတ်ရမယ် ဟုတ်လား ဘဘုန်းကြီး '

' အင်းလေ….. မြို့ကျောင်းကလည်း ဒီအနီးနားလေးတင် ဥစ္စာကို ဒီတစ်ခေါက် ကျောင်းဖွင့်တော့ သွားတတ်ချေပေါ့ '

ဥက္ကာ အလွန်ပျော်သွားသည် အလွန်ကျောင်းတတ်ချင်ခဲ့သော အိပ်မက်သည် အမှန်တစ်ကယ် ဖြစ်၍ လာပြီ ဖြစ်သည်။ သို့သော် ယုံရတစ်ဝက်မယုံရတစ်ဝက်လို ဖြစ်နေသည် ' ကျောင်း စရိတ်က အများကြီး ကုန်မှာ ဘဘုန်းကြီးရဲ့ ဖြစ်ပါ့မလား '

' အဲ့အတွက်တော့ စိတ်မပူနဲ့ မင့်အတွက်လို့ ရည်ရွယ်ပြီး စုထားတဲ့ ပိုက်ဆံတွေရှိတယ်….. အဲ့တာတွေက ကပ္ပိယကြီး သီးပင်စားပင်တွေ ရောင်းရငွေလည်းပါတယ်… သူ့ကိုလည်း ကျေးဇူးတင်ပေ့ါ '

' ကျေးဇူးတင်လိုက်တာ ဘဘုန်းကြီးရယ် … ကပ္ပိယကြီးကိုလည်း ကျေးဇူးတင်ပါတယ်… ကျွန်တော် ကိုဗြတ္တကို သွားပြီး ပြေးပြောတော့မယ်ဗျိုး '

ပျော်ရွှင်မြူးတူးစွာ ပြေးထွက်သွားသော ဥက္ကာကို ကြည့်ရင်း ဆရာတော် ပြုံးလိုက်မိသည်။

' ကိုရင် ဗြတ္တ … ကိုရင် ဗြတ္တ….. '

' ဘာများတုန်းဟ … မထိတ်သာ မလန့်သာ ရှိလိုက်တာ… ဘာလဲ ကျောင်းနေရမယ့် ကိစ္စမဟုတ်လား '

' ဟာာ.. ကိုရင်ဗြတ္တ သိပြီး ပြီလား….. ဒါမျိုးကျ နေနိုင်လိုက်တာ .. ကျွန်တော် ဆရာတော် ပြောမှ သိရတယ် '

' အခုပဲသိသိ နောင်ပဲ သိသိ အတူတူပါပဲကွာ… ရော့ဒီမှာ ရခိုင်လုံခြည် နဲ့ လွယ်အိတ်… မင့် ကျောင်းတတ်ဖို့ဆိုပြီး မင့်မရီး သွားဝယ်လာတာ …'

' အဲ့လိုလား…. အားနာစရာကြီးဗျာ… ကျွန်တော်နဲ့ အတော်လိုက်မယ်နော် ကျေးဇူးပါ ကိုဗြတ္တရယ် '

' ကဲကဲ အစ်ကိုတွေ နောင်တွေ အချစ်ပို နေတာ တော်ကြတော့ ဒီမှာ ထမင်းတွေ အေးကုန်တော့မယ် ခူးထားတာ လာစားလှည့်တော့ ' ..

 မရီး၏ အသံကြားမှ ဝမ်းခေါင်းအတွင် တကြုတ်ကြုတ်ပိုဆာ လာသလို ရှိသည်နှင့် တစ်ခါတည်း ဝင်စားလိုက်သည်။ ချဉ်ပေါင်ရွက် မျှစ်ချဉ်နှင့် တောဝက်သားတို့ကြောင့် ခေါင်းဖေါ်ရန်ပင် မေ့လျော့နေတော့သည်။

' စိန့်မာဂရက် ဟိုက်စကူး ' ဟူ၍ ရေးသားထားသော ဖောင်းကြွစာလုံးကြီးများနှင့် ကျောင်းတော်ကြီးမှာ အလွန်ကြီးမား ခန့်ညား လွန်းလှသည်။ အင်္ဂလိပ် အစိုးရ၏ အစီမံဖြင့် မြန်မာစာ သင်သော ကျောင်းများကို ရပ်ဆိုင်းစေခဲ့ပြီး အင်္ဂလိပ် အစိုးရပိုင် အထက်တန်း ကျောင်းများကို အစားထိုးဖွင့် လှစ်ခဲ့သည်။ အင်္ဂလိပ်စာကို ကြိုက်နှစ် သက်လှသည် မဟုတ်သော်လည်း ဘဘုန်းကြီး ပြောခဲ့သည့် စကား ကြောင့် လိုလိုလားလား သင်ယူရန် ဆန္ဒပြင်းပြခဲ့သည်။

' နယ်ချဲ့တွေ့ရဲ့စာကို မသင်ချင်ပါဘူး ဘဘုန်းကြီးရာ… ဘဘုန်းကြီး သင်ပေးလို့ ကျွန်တော် အခြေခံလောက် သိထားပြီပဲ '

' နယ်ချဲ့တွေရဲ့စာကိုသင်တယ်ဆိုတာ … သူတို့ကိုကြောက်လို့၊ အားကျလို့မဟုတ်ဘူး မောင်ဥက္ကာ.. ဒီ မျက်နှာဖြူတွေရဲ့ စကားကို တတ်ထားမယ်ဆိုရင်ဖြင့် သူတို့ အနိုင်ကျင့်တိုင်း မခံရတော့ဘူးပေါ့… တစ်ချိန်ကျရင် သေချာပေါက် အရေးပါလာမှာပါ..ကျွမ်းကျင်တတ်မြောက်အောင် လေ့လာပါ'

' နားလည်ပါပြီ ဘဘုန်းကြီး ကျွန်တော် အစွမ်းကုန် ကြိုးစားပါမယ် '

' ….. '

' တစ်ကယ်လည်း စိတ်အား ထက်သန်ပေသကိုး ဇွဲနဲ့ နပဲနဲ့ ကောင်းလေစွ ..ကောင်းလေစွ'

ဘဘုန်းကြီးပြောခဲ့သည့်စကားကို စဉ်းစားနေရင်း အသံထွက်မိသွားသည် ထင်သည်။ ဘေးနားမှ လူရွယ်တစ်ယောက်မှ နောက်တောက်တောက် ပြောလာသဖြင့် အမ်းတမ်းတမ်း ဖြစ်သွားသည်။

' ကျွန်တော့်နာမည် စောဒေးဗစ်ပါ… ခင်ဗျားက ဘယ်သူလဲ '

' ကျွန်ပ် ဥက္ကာပါ…. '

' ဂလက်တူ ဆီးယူနော်….. သူငယ်ချင်းလိုခင်လို့ ရတယ် .. ဖရင့်တွေ ဖြစ်သွားပြီ … အိုကေတယ်မဟုတ်လား'

သူငယ်ချင်းဖြစ်သွားပြီလို့ ပြောသည်ဟုထင်သဖြင့် ….ခေါင်းငြိမ့်ပြလိုက်သည်။ စောဒေးဗစ်မှာ အနောက်တိုင်း ဆန်ဆန် အဝတ်အစားများကို ကို့ယို့ကားယား ဝတ်တတ်သည်နှင့် တစ်ခါတစ်ခါ သိပ်နားမလည်သော စကားများ ပြောလေ့ရှိသည်မှလွဲရင် အလွန်ခင်စရာကောင်းသောသူဖြစ်ကြောင်း နောက်ပိုင်းတွင် တွေ့ရှိရလေသည်။

ကျောင်းတတ်သည်မှာ နှစ်ပတ်ကျော်လာပြီ ဖြစ်ပြီး ဥက္ကာလည်း ကျောင်းမှ သင်သောစာများဖြင့် အလုပ်ရှုပ်နေသည်။ ကျောင်းဖွင့်ရက်တွင် ကျောင်းတတ်ပြီး၊ ကျောင်းနားရက်တွင် ဘဘုန်းကြီးဆီပြန်၍ အလုပ်ကူလုပ်ရသဖြင့် မအားလပ်ပဲ ရှိလေသည်။

စောဒေးဗစ်မှာမူ စာကို သိပ်စိတ်ဝင်စားလေ့ရှိသူမဟုတ်။ အားလပ်ချိန်တွင် ဂစ်တာ တဒေါင်ဒေါင် တဒင်ဒင်ဖြင့် သီချင်းဆိုနေလေ့ရှိသည်။ ဥက္ကာလည်း ကိုဗြတ္တ မယ်ဒလင်တီး သင်ပေးထားသဖြင့် ပုံစံတူမည်ထင်ကာ ယူငင်တီးခတ်ဖူးသည်။ သို့သော် တီး၍မရပေ။

' အော်… စာလုပ်ချင်ယောင်ဆောင်ပြီး ပုံဆွဲနေတာပဲ ပြစမ်း '

မြနှင်းဆီ၏ ပုံကိုမှန်းဆ၍ ဆွဲထားသော ပန်းချီကို စာအုပ်အောက်တွင် ညှပ်ထားရာမှ စောဒေးဗစ်တွေ့၍ ဆွဲယူသွားခြင်း ဖြစ်သည်'

' မလုပ်ပါနဲ့ကွာ ပြန်ပေးပါ '

' ပေးမှာပေါ့ကွ… ကောင်မလေးက ဘယ်သူလဲ ဘယ်ကလဲ'

' မသိဘူး…. သူ့ကို တစ်ခါပဲ တွေ့ဖူးတာ နောက်တစ်ခေါက် ထပ်မဆုံ ဖြစ်ကြတော့ဘူး '

ဥက္ကာမှာ မြနှင်းဆီနှင့် ကြုံခဲ့ရသည်များကို ဖြစ်ကြောင်း ကုန်စင် ပြောပြလိုက်သည်။

' ဟ… မင်းတို့ ဇာတ်လမ်းကြီးက ရိုးလွန်းပါတယ်…. ဗဲရီးအိုးး… ဖားသားတို့ခေတ်က ဇာတ်လမ်း ကျနေတာပဲ '

' အဲ့လိုပဲ ဖြစ်ခဲ့တာပဲ ဘယ်နှယ့် တတ်နိုင်ပါ့မလဲ '

' မင်းသူ့ကို မတွေ့ချင်ဘူးလား '

' တွေ့ချင်တာပါ့ရယ်… နောက်ဆုံးတစ်ခေါက်တွေ့ပြီးကတည်းက မဆုံဖြစ်တော့တာ.. နေထိုင်ရော ကောင်းပါလေစလို့ စိတ်တော့ အပူသား.. ရေစက်ရှိရင်တော့ တွေ့ ကြရဦးမှာပေါ့'

' အင်း အချစ် ဟီးရိုးကြီး တစ်ယောက်ရဲ့ လွမ်းချင်းကို နားထောင်ရတာ ကိုယ်တောင် င်ိုချင်လာသလိုလို ဖြစ်နေတယ်… ထိန်ဝင်းတို့ ဒီညနေ ထန်းရေဝိုင်းမှာ ရှိမယ်ပြောတယ် သွားသောက်ရအောင် အလွမ်းပြေပေါ့'

' နေပါစေဗျာ… မလိုက်တော့ပါဘူး ကျွန်တော် သွားစရာလေး ရှိလို့ပါ '

စောဒေးဗစ်မှာ ခေါင်းတစ်ခါခါဖြင့် ထွက်သွားလေသည်။ သူထွက်သွားမှ မြနှင်းဆီရဲ့ ပုံလေးကို ထုတ်ကြည့်မိသည်။ စိတ်မှန်းဖြင့် ဆွဲထား၍ မသေမသပ် ဖြစ်နေသော်လည်း အလွန် ချစ်စရာ ကောင်းနေသည်ဟု ထင်နေမိသည်။ အလွန်လှပသော မျက်လုံးကလေးများ၊ သူ့အပေါ် ဂရုနာသက်သည့် ပုံရိပ်ကလေးများ ပြန်မြင်ယောင်ကာ ရင်ထဲ နွေးထွေးသွားရလေသည်။

…………………………………………………………………………………………..

' ဒီကနေ့ ကျောင်းမှာ ကျောင်းသား ကျောင်းသူ အသစ်တွေရောက်တယ်…. တစ်ယောက်ချင်းဆီ မိတ်ဆက်ကြမယ်'

ဆရာ၏ စကားသံအဆုံးတွင် စင်ပေါ်သို့ တစ်ဦးချင်း တတ်လာ၍ မိတ်ဆက်ကြသည်။

' မစ် မေရီအေးဆင့်ပါရှင် တွေ့ရတာဝမ်းသာပါတယ် '

' မစ္စတာ ကျော်ဝင်းပါ တွေ့ရတာ ဝမ်းသာပါတယ် '

သုံးယောက်မြောက်တွင် ဆရာမှ လှိုက်လှိုက်လှဲလှဲ ဝမ်းသာသော မျက်နှာထားဖြင့် ကိုယ်တိုင် မိတ်ဆက်ပေးသည်။

' ဟောဒီကတော့ မိတ်ဆက်ပေးရမှာ မစ္စတာ ဝဏ္ဏပါ … အားလုံးလက်ခုပ်တီးပေးပါဦး '

စင်ပေါ်တွင် ရပ်နေသော အသားဖြူဖြူ ပိန်ပိန်ပါးပါး၊ ဝတ်ပုံစားပုံ သပ်ရပ်သောလူရွယ်မှ ဦးထုတ်ကို ချွန်၍ ခါးညွှတ်အလေးပြုရာ ကျောင်းသား၊ကျောင်းသူအားလုံး လက်ခုပ် တီးကြသည်။

' အဲ့တာ ဘယ်သူလဲ ကိုရင်စောဒေးဗစ် '

' လုပ်ပြန်ပြီ အဲ့ဒီ ကိုရင်ကြီး ထည့်မခေါ်မခေါ်ပါနဲ့ဆို…. သူက အရေးပိုင်မင်းရဲ့ တစ်ဦးတည်းသော သားလေ… မြို့ပေါ်မှာတော့ သူ့အဖေပြီးရင် သူအာဏာ အရှိဆုံးပဲ ဟဲဟဲ'

အော်…။ ဒါ့ကြောင့် ဆရာကိုယ်တိုင်က တစ်လေးတစ်စား မိတ်ဆက်ပေးခြင်းပေကိုးး။

အခုနောက်ဆုံး မိတ်ဆက်ပေးရမယ့် တစ်ယောက်ကတော့……..

နောက်ဆုံးမိတ်ဆက်ပေးရမည့် သူသည် စဉ်ပေါ်သို့ တစ်လှမ်းချင်း မခို့တယို့ တတ်လာသည်ကိုတွေ့လိုက်ရသည်။

' မစ် မြနှင်းဆီ ဖြစ်ပါတယ်…'

' ဟာာာ…..'  သူ့ရင်ဘက်တစ်ခုလုံး လှုပ်ခါသွားသည်။ မြနှင်းဆီ။ မြနှင်းဆီပါလား။

' မစ်မြနှင်းဆီဟာ ကျောင်းရဲ့လိုအပ်တဲ့ ကိစ္စအဝဝအတွက် ငွေအမြောက်အမြား ထည့်ဝင်မတည် ပေးထားတဲ့ အကျိုးတော် ဆောင်တစ်ဦးလည်း ဖြစ်ပါတယ်….. အားလုံး လက်ခုပ်တီးပြီး ဂုဏ်ပြုပေးကြရအောင် '

ဥက္ကာ လက်ခုပ်တီးမိလား မတီးမိလားမသိပါ။ သူ့၏ အကြည့်တို့က မြနှင်းဆီထံတွင် သံမှိုကဲ့သို့ စွဲမြဲနေသည်။ မြနှင်းဆီသည် သူနှင့်တွေကစလို ရင်ဖုန်းအကျီ၊ ချိတ်ထဘီလေးနှင့် မဟုတ်တော့။ စိမ်းနုရောင် ဂါဝန်လေးကို ဝတ်ဆင်ထားသဖြင့် ဖြူဝင်းအိစက်သော အသားအရည်တို့ကို ပိုမို လင်းလက်တောက်ပအောင် ပံ့ပိုးပေးနေသကဲ့သို့ရှိသည်။ သူမက ဝတ်ထားသော ဦးထုတ် အဝိုင်းလေးကို ချွတ်ယူ၍ ကျောင်းသား၊ ကျောင်းသူများထံ ဦးညွှတ်လိုက်သည်။

' မြနှင်းဆီ…. '

' ဘာလဲ… မင်းသူ့ကို သိလို့လား'

' သူပဲ ကိုရင် စောဒေးဗစ်ရ….ကျွန်ပ်နဲ့ ဆုံခဲ့တာ သူပဲ '

' မင်း တစ်ကယ်ပြောနေတာလား….. အဲ့တာ သူဌေးကြီး ဦးစ၀်ရွှေနောင်ရဲ့ သမီးပဲ '

' သေချာပါတယ်…. သူရဲ့မျက်လုံးလေးတွေ၊ အမူအရာလေးတွေ အားလုံးမှတ်မိနေတယ်.. သူမှသူပါပဲ'

' ဒါဆိုရင်တော့ မင်းပြဿနာပဲ၊ လုံးဝ အင်ပေါဇေးဘဲနော်… သေချာစဉ်းစားဦး…မင်းကို သူဘယ်လိုမှ ပြန်ကြိုက်နိုင်မှာ မဟုတ်ဘူး'

စောဒေးဗစ်၏ စကားကြောင့် ဥက္ကာ မင်သက် တွေဝေသွားရသည်။ သူဌေးကြီး စောခွန်နောင်ရဲ့ သမီးတဲ့လား ..။ မိုးနှင့်မြေလို ကွာဝေးသည့် အခြေအနေများက သူ့အပေါ်ရက်စက်ပြီ ထင်သည်။ မြနှင်းဆီကတော့ သူ့ကို သတိပြုမိဟန်မတူပေ။

ကျောင်းဆင်းသော် ကျောင်းသား၊ ကျောင်းသူအသစ်များနှင့် ခင်ခင်မင်မင် မိတ်ဆက်စကားဆိုကြသည်။ ဝဏ္ဏဆိုသူ၏ အနီးအနားတွင် ကျောင်းသူများစွာ ဝိုင်းဝိုင်းလည်လျက် ဖြင့်ရှိသည်။ အလားတူ မြနှင်းဆီ၏ နံဘေးတွင် ကျောင်းသားများဖြင့် ဝိုင်းနေတော့သည်။ မြနှင်းဆီနှင့် ရင်မဆိုင်လိုသော်လည်း နှုတ်ဆက်ရမည့် တာဝန်ရှိသဖြင့် နှုတ်ဆက်ရန် အနီးအပါးသို့ သွားလိုက်သည်။

' ဟယ်…. ကိုဥက္ကာ ဒီမှာ ကျောင်းတတ်နေတယ်…. မြနှင်းဆီလေ.. မှတ်မိလားဟင်'

မြနှင်းဆီမှ ဥက္ကာကို မြင်သည်နှင့် ပျော်ရွှင်သွားပြီး တရင်းတနှင်း ပြောဆိုသည်။ ဥက္ကာလည်း ဝမ်းသာသွားသည်။ ဘယ်လိုလုပ်မေ့နိုင်မှာလည်း မြနှင်းဆီရယ်။ ဆုံခဲ့တဲ့နေ့ကတည်းက တစ်ရက်မှ မေ့လို့မရနိုင်ခဲ့ပါဘူးဟု စိတ်ထဲက ပြောနေမိသည်။

' မှတ်မိပါတယ် မြနှင်းဆီ… ပိုလှလာတယ်နော'

' ကိုဥက္ကာ မြောက်ပြောတော့မယ် …. ဟိုးတစ်နေ့က ကိုဥက္ကာ မြနှင်းဆီကို ကူညီပေးခဲ့တာ… အခုချိန်ထိ ဘယ်လို ကျေးဇူးဆပ်ရမလဲ မသိသေးဘူး.. ကိုဥက္ကာကျေးဇူးတွေ မြနှင်းဆီအပေါ်မှ ရှိနေတယ်'

' အဲ့လို မတွေးပါနဲ့ မြနှင်းဆီ… ကျွန်ပ်က လုပ်သင့်လုပ်ထိုက်တာကိုပဲ လုပ်ခဲ့တာပါ… မြနှင်းဆီ အဆင်ပြေတယ် ကျန်းမာတယ်ဆိုရင်ပဲ ဝမ်းသာလှပါပြီ ……အော်ဒါနဲ့…. ဟောဒီမှာ မြနှင်းဆီရဲ့ လက်ကိုင်ပဝါလေးပါ.. ကျွန်တော် ပြန်လျှော်ပေးထားပါတယ် '

' ယူထားလိုက်ပါ ကိုဥက္ကာရဲ့ အမှတ်တရပေါ့… ဒီအပြင်လက်ဆောင်တစ်ခုလည်း ပေးစရာ တစ်ခုရှိသေးတယ် … နောက်ရက်ကျရင် ပေးမယ်နော်…'

' မဟုတ်တာ မြနှင်းဆီရယ် လက်ဆောင်တွေ မလိုပါဘူးရယ်'

' ခင်လို့ပေးတာကို ငြင်းရင် မြနှင်းဆီ စိတ်မကောင်းဖြစ်မိမှာနော် ကိုဥက္ကာ'

' အဲ့တာဖြင့်ရင်တော့လည်း လက်ခံရမှာပေါ့ မြနှင်းဆီရယ်'

မြနှင်းဆီက ကလေးလေးတစ်ယောက်လို ရယ်သည်။ သူမ၏ ရယ်သံလေးကအစ ပျောက်ပျက်မသွားအောင် ဖန်ပုလင်းထဲ ထည့်သိမ်းထားချင်နေမိသည်။

' မြနှင်းဆီ စကားခဏလောက်ပြောချင်တယ်.. တစ်နေရာရာ သွားရအောင်'

အသံလာရာ သို့ ကြည့်လိုက်တော့ ဝဏ္ဏဆိုသည့် လူရွယ်ဖြစ်နေသည်။

' မြနှင်းဆီ ကိုဥက္ကာနဲ့ စကားပြောနေတယ်.. ကိုဝဏ္ဏပြောချင်လျင် ဒီမှာ ပြောလည်းရပါတယ်'

ဝဏ္ဏမှ ဒေါသထွက်သယောင်ဖြစ်သွားသော်လည်း မျက်နှာချို ပြန်သွေးရင်း

 ' ကောင်းပြီလေ… ဒါက မြနှင်းဆီရဲ့ သူငယ်ချင်းလေး ထင်တယ် … အင်္ဂလိပ်ကျောင်းမှာ ယောပုဆိုးနဲ့ ဆိုတော့ တော်တော် ကြည့်ကောင်းနေတယ် ဟားဟားဟား.. ရပါတယ် မြနှင်းဆီ .. အခုမအားရင်လည်း ညကျရင် တွေ့ရမှာပဲ… စောင့်နေမယ်နော် ' ဝဏ္ဏမှ ဥက္ကာကို စူးစူးရဲရဲ တစ်ချက်ကြည့်ပြီး သုံးဘီးကားပေါ်သို့ တတ်၍ မောင်းထွက်သွားသည်။

' မြနှင်းဆီနဲ့ သူနဲ့က သိကြတာလား'

' မြနှင်းဆီဖေဖေနဲ့ သူ့ဖေဖေနဲ့က မိတ်ဆွေတွေလေ… ဒါ့ကြောင့် မကြာခဏတွေ့ဖူးနေတာ… ဒီညကို ကိုဝဏ္ဏတို့ဖေဖေရဲ့ ညစာစားပွဲရှိတယ်.. အဲ့တာ ဖေဖေကိုပါ ဖိတ်ထားတယ်.. မြနှင်းဆီကတော့ ဖေဖေခေါ်လို့ မလိုက်ချင်ပေမယ့် လိုက်သွားရဦးမယ်…. '

' အဲ့လိုလား'

' ကဲပါလေ… သူ့ကို စိတ်ထဲမထားနဲ့ မြနှင်းဆီ မြို့ထဲသွားစရာ ရှိတာ… ကိုဝဏ္ဏ အဖေါ်လိုက်ခဲ့ပေးမယ် မဟုတ်လားဟင် '

သူ့မှာ ငြင်းဆန်ဖို့ ဘယ်လို အင်အားမျိုးမှ မရှိပါ။ မြနှင်းဆီ၏ အနီးအပါးတွင် အမြဲရှိချင်မိသော စိတ်တို့သည် အရာရာကို ခေတ္တ ခဏ မေ့သွားစေသည်။

' ကောင်းပြီလေ… လိုက်ခဲ့ပါ့မယ်'

…………………………………………………………………………………………

' အချစ်ဟီးရိုးကြီး မင်းသမီးလေးနဲ့ ပြန်တွေ့ရလို့ ငါ့ကိုတောင် အရေးသိပ်မလုပ်တော့သလိုပဲနော် ဥက္ကာ.. မင့်အချိုးတွေ ပြောင်းနေတယ်..၊

စောဒေးဗစ်မှ ဂစ်တာတီးနေရာမှ ရပ်လိုက်ရင်း ဥက္ကာကို လှမ်းနောက်နေခြင်းဖြစ်သည်။

' မဟုတ်တာ ကိုစောရာ….. ကျွန်တော်တို့က အခု မိတ်ဆွေတွေပါ'

' အခုတော့ မိတ်ဆွေပေါ့လေ… နောက်တော့မပြောတတ်ဘူး… ဒါပေမယ့်နော် မင်းသတိထားရမှာတွေရှိတယ်'

'ဘာများလဲကိုစော'

' မင်းကိုကောင်မလေးကို ချဥ်းကပ်နေတာ မင်းတစ်ယောက်တည်း မဟုတ်ဘူး ဝဏ္ဏဆိုတဲ့ တစ်ယောက်လည်းပါတယ်.. '

' ဟုတ်လား ကိုစော ဘယ်ကနေ သတင်းကြားလာတာလဲ.. ကျွန်တော်က ဘာလို့သတိထားရမှာလဲ'

' ဒီလိုပဲပေါ့ကွာ… ဒါပေမယ့် သတင်းကတော့ သေချာတယ်… ဝဏ္ဏက ပေါ့သေးသေးထဲမှာ ပါတဲ့သူမဟုတ်ဖူးနော်… သူ့အဖေအားကိုးနဲ့ လုပ်ချင်ရာ လျောက်လုပ်နေတာ… အားလုံးသူ့ကို ကြောက်ကြရတယ်ကွ… ပိုဆိုးတာက သူက ဆိပ်ကမ်းက လူမိုက်တွေကို ပိုက်ဆံပေးပြီး ငှားထားတာရှိတယ်လို့လည်း ကြားတယ်… မင့်တွက် အန္တရာယ်ဖြစ်မှာ စိုးလို့ပါကွာ'

' ရပါတယ် ကိုစောရယ်… ကျွန်တော်သိပ်မကြောက်တတ်ပါဘူးရယ်'

' သတိတော့ထားပေါ့ကွာ… သတိဆိုတာ ပိုတယ်မှမရှိပဲ '

စောဒေးဗစ်ပြောမှ စဉ်းစားမိသည်။ မြနှင်းဆီကို စတွေ့စဉ်က တွေ့ခဲ့သောလူမိုက်များသည် ဝဏ္ဏ၏ လူများ ဖြစ်နိုင်ချေရှိသည်။ ဒီအတိုင်းဆို မြနှင်းဆီမှာ အန္တရာယ်ရှိနိုင်သည်။ မြနှင်းဆီကိုလည်း သတိပေးသင့်သည်ဟု တွေးမိသည်။ မြနှင်းဆီကို ကာကွယ်ပေးနိုင်ဖို့လဲ လိုအပ်မှာပဲ….။

'ဟူးးးးးးးး'

' ဟ……….ဘာတွေ သက်ပြင်းရှည်မှုတ်နေတာလဲ တစ်ယောက်တည်း'

' ဟာ…. ကိုရင် သာအေးပါလား… ဒီမှာဘာလာလုပ်နေတာလဲ'

' ငါက အေးဆင့်နဲ့ချိန်းတွေ့ဖို့ ဒီနေရာလာခဲ့တာကွ …. မင်းကသာ တစ်ယောက်တည်း ဒီနေရာမှာ ဘာလုပ်နေမှန်းမသိတာ'

မြနှင်းဆီ၏ အကြောင်းတွေ တစ်ယောက်တည်း ထိုင်စဉ်းစားနေမိရင်း ကိုရင်သာအေးကြောင့် အတွေးပျက်သွားသဖြင့် ကျွဲမြီးတိုသွားသည်။

' မြနှင်းဆီလေး အကြောင်းကို စဉ်းစားနေတာပါ ကိုရင်သာအေးရာ '

' မနက်က မြနှင်းဆီအိမ်ကို လိုက်သွားတယ်ဆို ဘာထူးခြားသေးလဲ'

' မြနှင်းဆီအဖေက မြနှင်းဆီ နေရပ်ပြန်သွားတယ်လို့ ပြောတယ်၊ ပြန်လာမယ့်ရက်လည်း မသေချာဘူး ကြာမယ်လို့ ပြောတယ်'

' ဒါဆိုရင်တော့ မင့်ကို သူညာလိုက်ပြီကွ…. နေ့လည်ထန်းတောဘက်က ဖြတ်လာမိတော့ ထန်းရည်ဝိုင်းတစ်ခုက ပြောနေသံသဲ့သဲ့ ကြားခဲ့တယ်ကွ…. မြနှင်းဆီကို ဝဏ္ဏနဲ့ မနက်ဖြန်ပဲ လက်ဆက်ပေးတော့မှာတဲ့'

' ဗျာာာ'

ဥက္ကာ ဦးခေါင်းတစ်ခုလုံးချာချာလည်သွားရသည်။ ဘယ်ဘက်ရင်အုံတစ်ခုလုံးလည်း နာကျင်စွာခံစားလိုက်ရသည်။

' ကျွန်တော်သွားတော့မယ် ကိုရင် သာအေး'

' ဘယ်သွားမှာတုန်း..ဟေ့ဟေ့ '

ကိုရင်သာအေးကို ဂရုမစိုက်အားတော့ပဲ ပြေးထွက်လာခဲ့တော့သည်။

' ဘာာာာ….. မင်း မြမဉ္ဇူ စံအိမ်ကို ခိုးဝင်မယ်… ဟုတ်မှလည်း လုပ်ပါ ဥက္ကာရာ မင်းကတော့ ပရော်ဘလန်ပဲ'

' ကျွန်တော် မြနှင်းဆီနဲ့ တွေ့ဖို့လိုတယ် ကိုစော….. သူဆီက စကားတစ်ခုခုကြားဖို့လိုတယ် သူအိမ်ထဲမှာ ရှိမယ်ဆိုတာ ကျွန်တော် ကျိန်းသေသိတယ်'

' မင့်ဟာက အန္တရာယ်များ လွန်းတယ်လေကွာ… မတော် မိသွားရင် ထောင်တွေ တန်းတွေ ကျမှာကွ…. သေချာစဉ်းစားပါဦးကွာ'

' ကျွန်တော် ဆုံးဖြတ်ပြီးပြီ ကိုစော… ဒီည မှောင်ရင် ကျွန်တော် ခိုးဝင်မယ်'

' မင့်တစ်ယောက်တည်း ဖြစ်ပါ့မလားကွ … ငါ ငါတော့ မလိုက်ရဲဘူးကွ'

' ကျွန်တော်တစ်ယောက်တည်း သွားလို့ ဖြစ်ပါတယ်… ကိုစောဆီမှာ ရှိတဲ့ ဓါတ်လင်း (ဓါတ်မီး)လေးသာ ခေတ္တငှားလိုက်ပါ'

' ဒါဈေးကြီးတယ်ကွ… ပြန်တော့ယူလာပေးနော်.. ငါလည်း ဖားသားဆီက မသိအောင်ယူလာတာ'

'စိတ်ချပါ ကိုစော မပျောက်စေရပါဘူး… ကျွန်တော် သွားမယ်'

ဘုရားသခင် စောင့်ရှောက်ပါစေကွာ။ စောဒေးဗစ် ဆုတောင်းပေးရင်း ငေါင်တောင်တောင်ဖြင့် ကျန်ခဲ့လေသည်။

လမိုက်ညဖြစ်သဖြင့် ပတ်ဝန်းကျင်က တိတ်ဆိတ် အေးစက်လွန်းနေသည်။ အိမ်ရှေ့တံခါးမှ ဝင်၍ မဖြစ်နိုင်သဖြင့် မြမဉ္ဇူစံအိမ်ကို မှောင်ရိပ်အတွင်းမှ လှည့်ပတ် ကြည့်ရှုလိုက်သည်။ တစ်အိမ်လုံး မီးရောင်ပျပျပင် မမြင်ရသဖြင့် စိတ်ထဲ စနိုးစနောင့် ဖြစ်နေသည်။ ဦးစ၀်ရွှေနောင် ရှိတာလား၊ မရှိတာလား မသဲကွဲပေ။

ကြည့်ရှုနေရင်း အိမ်နောက်ဖက် အဆောင်တစ်ခုမှ တံခါးတစ်ချပ်ပွင့်နေသည်ကို တွေ့လိုက်ရသည်။ တံခါးမှာ လူတစ်ရပ်ကျော် ဖြစ်နေသဖြင့် ဝင်ရန် မလွယ်ကူပေ။ ၇ ပေ ခန့်မြင့်သော အုတ်တံတိုင်းကို လွှားခနဲ့ ကျော်ဝင်လိုက်ပြီး အတွင်းသို့ ကြောင်ကျကျ သွားသည်။ ခြံဝန်းအတွင်း မျက်စေ့ကစားလိုက်ရာ ထင်းရှုးပုံးအဟောင်းတစ်ခုအား တွေ့ရှိရသဖြင့် ထိုထင်းရှုးပုံးဖြင့် ခု၍ အပေါ်သို့ ခဲရာခဲဆစ်တတ်ခဲ့သည်။

အိမ်ထဲသို့ရောက်သော် မဲမှောင်၍ အေးစက်သော လေထုက စတင် ထိတွေ့ မိတ်ဆက် လိုက်သဖြင့် ကျောရိုးထဲ စိမ့်သွားရသည်။ အိမ်ကြီးမှာ ကြီးမားသလောက် အခန်းပေါင်းများစွာဖြင့် ဖွဲ့စည်းထားပြီး ရှုပ်ထွေးပွေလီလှသည်။ စတင်ဝင်လာခဲ့သော နေရာမှနေ၍ တစ်ခန်းချင်း သတိကြီးကြီးဖြင့် ရှာဖွေသော်လည်း မြနှင်းဆီရော ၊ ဦးစဝ်ရွှေနောင်ရော အရိပ်အရောင်မျှပင် မတွေ့ရပေ။ 

တစ်နေရာရောက်သော် စာကြည့်ခန်းဟု ယူဆရသည့် နေရာသို့ ရောက်လာသည်။

စာအုပ်များစင်များတွင် စာအုပ်များ အစီအရီ ထားရှိထားပြီး စာကြည့်စားပွဲတစ်လုံးကို တွေ့ရသည်။ စာကြည့်စားပွဲ၏ အောက်မှ အံဆွဲကို ဆွဲဖွင့်လိုက်ရာ စာအုပ်တစ်အုပ်ထွက်လာသည်။ ထိုစာအုပ်မှာ ဦးစဝ်ရွှေနောင်၏ ကိုယ်ရေးမှတ်တမ်း စာအုပ်ဖြစ်ဟန်တူသည်။ စာအုပ်၏ အဖုံးတွင် SKN ဟုရေးထိုးထားသည်။ ဟိုဟိုသည်သည် လှန်လှောကြည့်ရင်း စိတ်ဝင်စားဖွယ်အကြောင်းအရာများကို တွေ့ရှိရသဖြင့် စာအုပ်ထဲတွင် နစ်မြော စီးဝင်သွားလေသည်။

သူဌေးကြီး စဝ်ဘသိုက်သည် စဝ်ခွန်နောင်ကို မွေးစားခဲ့သည့်အချိန်မှ စ၍ သားအရင်းနှင့်မခြား ပြုစုပျိုးထောင်ပေးခဲ့သည်။ သို့သော် အရွယ်ရောက်လာသော တစ်နေ့တွင် စော်ဘွားကြီး၏ လူယုံတော် သွေးထိုးမှုဖြင့် မွေးစားသားမှန်း သိရှိခဲ့ပြီး သည့်နောက်တွင် မိခင်ဖခင်အရင်းကို တိတ်တဆိတ် စုံစမ်းခဲ့သည်။ ထို့နောက်တွင် စဝ်ခွန်နောင်မှာ စော်ဘွားကြီး ကုန်သွယ်သွားစဉ်က ခရီးတစ်ထောက်နားသော ရွာလေးတစ်ရွာတွင် ကော်စိုက်သမလေးတစ်ဦးနှင့် ကျူးလွန်မိပြီး မွေးခဲ့သော သားဖြစ်မှန်း သိလိုက်ရသည်။ စော်ဘွားကြီးမှ နစ်နာကြေးအဖြစ် ရွှေစင်အသပြာတစ်ထောင်ပေးခဲ့ပြီး သားယောက်ကျားလေးမွေးမှန်းသိရ၍ ပြန်လည်ခေါ်ငင်လာခဲ့ခြင်း ဖြစ်သည်။ ထိုကိစ္စကို ဒေါ်သူဇာပင် သိရှိခဲ့ခြင်း မရှိပေ။ စဝ်ခွန်နောင်လည်း ဘယ်သူမှ မရိပ်မအောင် ဖာသိဖာသာပင် နေထိုင်ခဲ့လေသည်။

သို့သော် စဝ်ခွန်နောင်၏ စိတ်ထဲတွင် စဝ်ရွှေနောင်အား မလို မုန်းတီးစိတ် ဖြစ်ပေါ်နေသည်။ စဝ်ရွှေနောင်သည် ရုပ်ဆင်းရူပကာလည်း ချောမောပြီး စကားပြောရည်မွန်ကာ စာပေအရာတွင်လည်း ထူးချွန်သည်။ ပိုဆိုးသည်က မြန်မာပြည်အောက်ပိုင်းတွင် ပညာသွားသင်စဉ် စဝ်ခွန်နောင် တစ်ဖက်သက်ကြိုက်နှစ်သက်ရသော မာလာမှာ စပ်ရွှေနောင်နှင့် မေတ္တာမျှသွားခြင်း ဖြစ်သည်။ 

ပညာတော်သင်ယူပြီးပါက စဝ်ရွှေနောင်သည် နေရပ်ပြန်၍ မာလာနှင့် လက်ထပ်မည်။ ထို့နောက် ဖခင်ကြီးဖြစ်သူ စဝ်ဘသိုက်ဆီမှ အမွေများ အကုန်ရရှိမည်။ ထိုသို့ အဖြစ်ကို စဝ်ခွန်နောင် အရောက်မခံနိုင်ပေ။ ထို့ကြောင့် လှို့ဝှက်သော အကြံအစည်တို့ကို အမြဲမပြတ် ကြံစည်နေလျက်ရှိသည်။

တစ်ရက်သော် စောဘွားကြီး စဝ်ဘသိုက်နှင့် ဇနီး ဒေါ်သူဇာတို့ ပလိပ်ရောဂါဖြင့် ကွယ်လွန်ကြောင်း သတင်းကြားသည်နှင့် စဝ်ရွှေနောင် အရုပ်ကျိုးပြတ် ပူဆွေးဝမ်းနည်းလေတော့သည်။ ကွယ်ရာမှ ကြိတ်၍ ဝမ်းသာနေသူမှာ စဝ်ခွန်နောင် ဖြစ်သည်။ သူမျှော်လင့်ထားခဲ့သောနေ့ရက်တို့ ရောက်ရှိလာပြီဖြစ်သည်။ ထင်ထားသည့် အတိုင်းပင် အမွေများအားလုံးကို စဝ်ရွှေနောင်က ရရှိပြီး သူဌေးကြီး၏ လုပ်ငန်းများကို ဦးစီးရသည်။

တစ်ရက်တွင် စဝ်ခွန်နောင်မှာ စော်ဘွားကြီး စဝ်ဘသိုက်၏ လက်ရုံးဖြစ်သူနှင့် ပူးပေါင်းကြံစည် ၍ စဝ်ရွှေနောင် ကုန်သွယ်လိုက်သွားရာမှာ တစ်နေရာအရောက်တွင် ချောင်းမြောင်းလုပ်ကြံ သတ်ဖြတ်လိုက်တော့သည်။ စဝ်ရွှေနောင် သေဆုံးသွားသောအခါ အမွေများကို စပ်ခွန်နောင် မှရရှိခဲ့သည်။ မာလာကိုလည်း စဝ်ရွှေနောင်ကုန်သွယ်သွားရာမှ ဓါးပြများနှင့် ရင်ဆိုင်ရစဉ် ကွယ်လွန်ခဲ့သည် ဟူ၍ လိမ်လည်ကာ လက်ထပ် ယူခဲ့လေသည်။ ထို့နောက် ဇာတ်မြှုပ်နေထိုင်ရန် ပိုင်ဆိုင်မှုအားလုံးရောင်းချ၍ အောက်ပိုင်းဒေသတွင် လာရောက်နေထိုင်ခဲ့တော့သည်။

ဥက္ကာဖတ်နေသည့် စာအုပ်ကို အလန့်တကြားပိတ်လိုက်မိသည်။ ဒါ့ကြောင့် အဖုန်းမှာ SKN လို့ရေးထားတာကိုးး။ SKN ဆိုတော့ စဝ်ခွန်နောင်ပေါ့။ ဒါဆို စဝ်ရွှေနောင် က စဝ်ရွှေနောင် မဟုတ်ဘူး စဝ်ခွန်နောင်ပေါ့။ စိတ်ထဲတွင် ရှုတ်ထွေးသွားသည်။ သူသိခဲ့သော အကြောင်းအရာများသည် အားလုံးတလွဲများ ဖြစ်၍ နေသည်ပဲ။ စာအုပ်ကို အံဆွဲထဲသို့ ပြန်ထည့်ပေးလိုက်စဉ် အနောက်မှ စာအုပ်စင်အား တံတောင်ဖြင့် တိုက်လိုက်မိသဖြင့် စာအုပ်တစ်အုပ် ပြုတ်ကျသွားသည်။

' ဖုန်း'

တိတ်ဆိတ်လွန်းသည့် အချိန်တွင် စာအုပ်ပြုတ်ကျသံက အလွန်ကျယ်လောင်သွားသည်။ ဥက္ကာ အခြေအနေကြည့်ရင်း စာအုပ်ကို မူလနေရာသို့ ပြန်ထည့်သွင်းလိုက်သည်။

' ချောက် '

 စာအုပ်မှ တစ်စုံတစ်ခုနှင့် ထိမိသွားသလို အသံထွက်လာပြီး စာအုပ်စင်မှာ ဘေးတိုက်ရွေ့လျားသွားရာ မြေအောက်ခန်းသို့ ဆင်းရာ လမ်းကလေးတစ်ခု ပေါ်လာသည်။

' ဟာ.. မြေအောက်ခန်းပဲ မြနှင်းဆီများရှိမလား'

ဓါတ်လင်းကို ထုတ်ယူ၍ မြေအောက်ခန်းသို့ သတိကြီးစွာ ဆင်းလာခဲ့တော့သည်။

မြေအောက်ခန်းတွင် ထူးထူးခြားခြား ဘာမျှရှိမနေပါ။ စားပွဲတစ်လုံး၊ ထိုင်ခုံတစ်ခုံတစ်လုံးနှင့် လူတစ်ရပ်ခန့်ရှိသော သေတ္တာ တစ်လုံးသာရှိသည်။ ဥက္ကာ စူးစမ်းချင်စိတ်ကြောင့် သေတ္တာကိုဖွင့်ကြည့်သည်။ မရ။ တော်တော်အားစိုက်ဖွင့်လိုက်မှ အဖုံးကြွသွားပြီး ပွင့်သွားသည်။

ပွင့်သွားသည်နှင့် အလွန်ဆိုးရွာသောအပုပ်နံ့ကြောင့် နှာခေါင်းကို အလျင်အမြန်ပိတ်လိုက်မိသည်။ 

ထို့နောက် ဓတ်လင်းဖြင့် ထိုးကြည့်ရာ….

' ဟာ… ဒေါ်မာလာ'

ဟုတ်ပါသည်။ ဒေါ်မာလာ သေဆုံးခဲ့သည်မှာ တစ်ပတ်ကျော်ကျော်လောက်ရှိမည်ထင်သည်။ ရုပ်ပျက်ဆင်းပျက်တော့ ဖြစ်မနေသေးပေ။ ဘေးနားတွင် သွေးစွန်းနေသော ဓါးတစ်လက်ရှိသည်။ ဒေါ်မာလာ၏ ရင်ဘက်တွင် သွေးစများ တွေ့ရှိရသဖြင့် အဆိုပါဓါးဖြင့် သတ်ဖြတ်ခံခဲ့ရန်တူသည်ဟု ကောက်ချက်ချလိုက်သည်။

ထိုစဉ် အနောက်ဖက်မှ ခြေသံလိုလို ကြားမိသည်ဟု ခံစားရသဖြင့် လှည့်ကြည့်လိုက်သည်။

' ခွပ်'

လူတစ်ဦး၏ ပုံသဏ္ဍာန်ကို မသဲမကွဲ မြင်လိုက်ရပြီး ကြီးမားလေးလံသော အရာဖြင့် ဦးခေါင်းကို ရိုက်နှက်ခံလိုက်ရသဖြင့် လောကကြီး တစ်ခုစလုံး အမှောင်ထု အတိဖုန်းလွှမ်းသွားတော့သည်။

……………………………………………………………………………….

မြို့ဦးစေတီ၏ ဆွဲလဲသံလေးများသည် လေအဝှေ့တွင် သာယာဖွယ်ရာ တစ်ချွင်ချွင် ဖြင့် မြည်နေသည်။ ထို့အတူ မြနှင်းဆီ၏ ဆံနွယ်လေးများသည်လည်း လေတွင် လွင့်မျောနေသည်။ မြို့ဦးစေတီကလေးသည် သူတို့နှစ်ဦးကို စတင်ဆုံဆည်းစေခဲ့သော နေရာလေးဖြစ်ပြီး ယခုဆိုလျှင် မကြာခဏ အတူလာရောက်လေ့ရှိသော နေရာလေး ဖြစ်နေခဲ့ပြီ ဖြစ်သည်။

 မြနှင်းဆီမှာ ချိတ်ထဘီနှင့် ရင်ဖုံးကို ဝတ်ဆင်ထားပြီး သနပ်ခါးပါးကွက်ကလေးများကို ပင် ကွက်ထားသေးသည်။

' ရော့ ဒါ မြနှင်းဆီ ကိုဥက္ကာကို ပေးမယ်ဆိုတဲ့ လက်ဆောင် ဖွင့်ကြည့်'

ဥက္ကာဖွင့်ကြည့်လိုက်တော့ အလွန်လှပသောဖောင်တိန်လေး။ ' ကျေးဇူးတင်ပါတယ် မြနှင်းဆီ တန်ဖိုးကြီးတာဆိုတော့ လက်ခံရမှာ အားနာတယ်'

' အားမနာပါနဲ့ ကိုဥက္ကာ ဒီလက်ဆောင်လေးက ကိုဥက္ကာ မြနှင်းဆီကို ကူညီခဲ့တာနဲ့ စာရင် ဘာမှမရှိပါဘူး'

ဥက္ကာလည်း မြနှင်းဆီအတွက် ကြိုတင် ခူးယူလာသော တောပန်းကလေးများကို ဦးခေါင်းထက်တွင် ပန်ဆင်ပေးလိုက်သည်။

' လှလိုက်တာ မြနှင်းဆီရယ်'

' တောပန်းလေးတွေကလှတာလား မြနှင်းဆီက လှတာလားကို ဥက္ကာ'

' မြနှင်းဆီရဲ့အလှကို တောပန်းလေးတွေ မယှဉ်နိုင်ပါဘူးရယ်'

' ကိုဥက္ကာကတော့ မြနှင်းဆီကို စိတ်ချမ်းသာအောင် အမြဲပြောပေးတတ်တယ်နော်.. ဒါပေမယ့် မြနှင်းဆီ မပျော်နိုင်ပါဘူး ကိုဥက္ကာရယ်'

' ဘာဖြစ်လို့လည်း မြနှင်းဆီရဲ့'

' ဖေဖေလေ…. သူ့မိတ်ဆွေရဲ့သားနဲ့ သဘောတူနေတယ်… လူငယ်ချင်း သဘောကျရင် အမြန် စီစဉ်ပေးမယ်တဲ့'

' မြနှင်းဆီ ဘာဖြေလိုက်လဲဟင်'

' မြနှင်းဆီ ငြင်းလိုက်တယ် ကိုဥက္ကာ၊ မြနှင်းဆီ ကိုဝဏ္ဏကိုမှ မကြိုက်တာ…ဒါပေမယ့် ဖေဖေက ဆုံးဖြတ်ပြီးပြီဆို ရင် အတင်းအကြပ်လုပ်တတ်လို့ ကြောက်ရတယ်'

' ကိုဝဏ္ဏက အဘက်ဘက်က ပြည့်စုံတယ်လေ မြနှင်းဆီရဲ့ … မြနှင်းဆီတို့နှစ်ယောက်သာ ပေါင်းဖက်မယ်ဆိုရင် နေနဲ့လ ရွှေနဲ့ မြလိုများ ဖြစ်နေမလားပဲ'

' အချစ်မှာ ဆင်းရဲတာ ချမ်းသာတာ၊ ပြည့်စုံတာ မပြည့်စုံတာ တွေက အဓိကမဟုတ်ပါဘူး ကိုဥက္ကာ၊ ချစ်ရတဲ့သူကို ကြင်ကြင်နာနာနဲ့ဆက်ဆံဖို့၊ ထာဝရသစ္စာရှိဖို့နဲ့ ကာကွယ်ပေးနိုင်ဖို့ပဲလိုပါတယ်၊ နှင်းဆီကတော့ အဲ့လို လူတစ်ယောက်ကို တွေ့ခဲ့ပြီ ထင်တာပဲ'

မြနှင်းဆီ၏ စကားအဆုံးတွင် ဥက္ကာ ထိန်းချုပ်မရအောင် ရင်တွေလှုပ်ရှားသွားသည်။ ရင်ထဲမှ စကားတို့သည်လည်း အထိန်းအကွပ်မဲ့ လျှံကျလာတော့သည်။

' မြ မြနှင်းဆီကို ကို အ အရမ်းချစ်တယ်…'

မြနှင်းဆီမှာ ကလေးလေးတစ်ယောက်လို အသံလွင်လွင်လေးဖြင့် ရယ်မောပြန်လေသည်။

' မြနှင်းဆီရော ကိုယ့်ကို ချစ်နိုင်မလားဟင် ပြန်ပြောပေးပါမြနှင်းဆီရယ်'

' မြနှင်းဆီက မိန်းကလေးလေ ကိုဥက္ကာရဲ့ စဉ်းစားဖို့ အချိန်လေးပေးပါဦးနော်… နောက်တစ်ပတ်ကျရင် ဒီမြို့ဦးစေတီလေးကို ပဲလာခဲ့လေ…. မြနှင်းဆီစောင့်နေမယ်'

' ဝမ်းသာလိုက်တာ မြနှင်းဆီရယ်… အရမ်းချစ်တယ်'

' အို '

ဥက္ကာ မြနှင်းဆီ၏ လက်ကလေးကို ဆုပ်ကိုင်လိုက်သဖြင့် မြနှင်းဆီ၏ ပါးနုနုထက်တွင် ရှက်သွေးလေးများဖြင့် နီမြန်းသွားလေသည်။

နော်ကတစ်ပတ်ကြာသော် ဥက္ကာ မြို့ဦးစေတီကလေးတွင် မြနှင်းဆီကို ရင်ခုန်စွာ စောင့်မျှော်နေသည်။ မိုးချုပ်သွားသည်အထိ စောင့်ဆိုင်းနေသော်လည်း မြနှင်းဆီ ရောက်လာခဲ့ခြင်း မရှိပါ။ မြနှင်းဆီအတွက် ရည်ရွယ်၍ သီကုံးခဲ့သော စံပယ်ပန်းကုန်းကလေးကို မြို့ဦးစေတီ၏ ခြေရင်းတွင် ထားရှိ၍ ပြန်လာခဲ့တော့သည်။

' နိုးလာပြီလား မောင်ဥက္ကာ'

ဦးခေါင်းတွင် ကိုက်ခဲနေသောဒဏ်ရာကြောင့် လေးလံနေသော မျက်ခွံများကို အားယူ၍ ဖွင့် ကြည့်လိုက်သည်။

' ဦးစဝ်ရွှေနောင်… မ မဟုတ်ဘူး ခင် ခင်ဗျား… ဦးစဝ်ခွန်နောင်'

ခြေတွေလက်တွေလှုပ်လို့ မရသဖြင့် ကြည့်လိုက်ရာ ထိုင်ခုံတစ်လုံးပေါ်တွင် ကြိုးဖြင့် တုတ်ထားခြင်း ဖြစ်ကြောင်း တွေ့ လိုက်ရသည်။

'ဟားဟားဟား…….. မေင်ရင်က ငါ့အကြောင်းတွေ အကုန်သိသွားပြီပဲ…. ဒါမောင့်ရင့်အတွက်တော့ သိပ်မကောင်းဘူးနော်'

' ကျွန်တော် မြနှင်းဆီကို လာရှာတာ သူဒီမှာ ရှိတယ်ဆိုတာ ကျွန်တော် သိတယ်'

' ဒါဆိုရင်တော့ မောင်ရင်လွဲသွားပြီ… မနက်က မောင်ရင် အိမ်ကိုလာရှာကတည်းက တစ်ခုခု ကြံစည်လာမယ်ထင်လို့ မြနှင်းဆီကို မောင်ဝဏ္ဏဆီ ညတွင်းချင်းပဲ ပို့ထားလိုက်ပြီ'

' ဘာာ… ခင်များဘယ်လိုလုပ်လိုက်တာလဲ… မြနှင်းဆီက ဝဏ္ဏကို မချစ်ဘူးဗျ… သူစိတ်ဆင်းရဲရမှာ… '

' အဲတာလည်းသိတယ်…. ဒါပေမယ့် မြနှင်းဆီ မောင်ဝဏ္ဏနဲ့ လက်ထပ်မှ လုပ်ငန်းတွေ အားလုံးအဆင်ပြေလာမှာ.. တရားမဝင်တဲ့ လုပ်ငန်းလေးတွေကို တရားဝင်ဖြစ်လာစေဖို့က မောင်ဝဏ္ဏပဲ ကူညီနိုင်တယ်'

' လုပ်ငန်းအတွက် နဲ့ သမီးကို ရောင်းစားတယ်…. ခင်ဗျား လူစိတ်မှ ရှိသေးရဲ့လား'

' မင်း မသိသေးဘူးထင်တယ်… မြနှင်းဆီက ငါ့သမီး မဟုတ်ဘူး'

' ဘာ… ခင်ဗျား ဘာပြောတာလဲ .. ခင်ဗျားသမီးမဟုတ်ဖူးဆိုတာ ဘာသဘောလဲ'

' မင်းနားလည်အောင်ပြောရရင် မြနှင်းဆီက ငါနဲ့ရတဲ့ကလေးမဟုတ်ဘူး… စဝ်ရွှေနောင်နဲ့ ရတဲ့ကလေး… ငါ မာလာကို လက်ထပ်တော့ မာလာမှာ ကိုယ်လေးလက်ဝန်နဲ့ ပါလာခဲ့တာ… နောက်ပြီး ဒေါ်မာလာရဲ့ ရုပ်အလောင်းကို မြင်ပြီး ဖြစ်မှာပါ… သူမမျှော်လင့်ပဲ စဝ်ရွှေနောင်ကို ငါသတ်ခဲ့တယ်ဆိုတာ သိသွားခဲ့တယ်… သူက အရေးပိုင်မင်းဆီမှာ ဒီအမှုတွေအားလုံးကို ဖွင့်ချဖို့ ကြိုးစားခဲ့လို့ ငါနှုတ်ပိတ်လိုက်ရတာပဲ'

ဥက္ကာ ဦးစဝ်ခွန်နောင် ပြောပြသည်များကို နားထောင်ရင်း အလွန်တရာ စက်ဆုတ် ရွံရှာလာမိသည်။

' ခင်ဗျားက မကောင်းဆိုးဝါးကြီးပဲ ဦးစဝ်ခွန်နောင်'

' ဟုတ်တယ်…. မင်းကတော့  မကောင်းဆိုးဝါးရဲ့ နားရွက်ကိုမှ တံတွေးလာစွတ်တဲ့ မအူမလည်လေးပဲ…. ဟောဒီမှာရှိနေတဲ့အရာတွေ အားလုံးကို ဖျက်ဆီးဖို့ စီစဉ်ပြီး ပြီ…. မင်းလည်း ဒီသက်သေခံပစ္စည်းတွေနဲ့အတူ ပျက်စီးတဲ့ အထဲပါသွားမှာပါ'

ဦးစဝ်ခွန်နောင်မှ ဓါတ်ဆီပုံးကို ထုတ်ယူလာပြီး တစ်အိမ်လုံးကို လိုက်လံ ပတ်ဖြန်းနေသည်။ ဥက္ကာ ချည်နှောင်ထားသော ကြိုးတို့ကို ဖြည်ရန်ကြိုးစားသော်လည်းမရပေ။ အလွန်ခိုင်မြဲသော အုန်းဆံကြိုးများကြောင့် ချည်ထားသောနေရာများတွင် သွေးများရဲရဲနီနေသည်။

' ခဏလေးနဲ့ အာလုံး ပြီးသွားမှာပါ မောင်ဥက္ကာ … နှုတ်ဆက်ခဲ့ပါတယ်'

ဦးစဝ်ခွန်နောင်မှ ယမ်းမီးခြစ်ကို ခြစ်၍ ဓါတ်ဆီလောင်းထားသော ကြမ်းပြင်ရှိရာသို့ ပစ်ချလိုက်သည်။

' ဝုန်း'

မီးစမှာ ဓါတ်ဆီနှင့် တွေ့သည်နှင့် ကြမ်းပြင်တစ်လျောက် အလျံတညီးညီးဖြင့် တောက်လောက်သွားတော့သည်။ 

အပိုင်း (၃) (ဇာတ်သိမ်းပိုင်း) မျှော်..